Qazaqstan tranzıttik marshrýttardy damytýda

BAKÝ. QazAqparat - Qazaqstan qurlyqtyq tranzıttik marshrýttardy belsendi túrde damytyp keledi, bul rette Transkaspıı marshrýty zor mańyzǵa ıe, - deıdi «Baký-Tbılısı-Kars» jańa temirjol baǵytynyń ashylý rásiminde «Qazaqstan temir joly» kompanııasynyń prezıdenti Qanat Alpysbaev.

 Bul jaıly «QazAqparat» HAA tilshisi habarlaıdy.

«Bizdiń aldymyzda Túrkııa men Ońtústik Eýropaǵa deıingi tikeleı temir jol baǵyty ashylyp otyr. Bul júk tasymalyna ketetin ýaqytty eki esege qysqartady», - dedi Q. Alpysbaev.

Qazirgi tańda Qazaqstan jáne Ázerbaıjannyń Quryq, Aqtaý, Baký, Alıat porttary baılanysynda biryńǵaı tsıfrlyq platforma qurý máselesi talqylanýda. «Ony múmkindiginshe tezirek iske asyrý úshin áriptesterimizben kelissózder júrgizip jatyrmyz», - dedi kompanııa basshysy.