Qazaqstan terrorızm qaýpi eń tómen elderdiń qatarynda — Jahandyq ındeks

TAShKENT. KAZINFORM — Ekonomıka jáne beıbitshilik ınstıtýty ázirlegen Jahandyq terrorızm ındeksinde Qazaqstan 100-orynǵa jaıǵasty, dep habarlaıdy Kazinform agenttiginiń menshikti tilshisi.

Қазақстан терроризм қауіпі ең төмен елдердің қатарында
Фото: ҰҚК

Instıtýttyń zertteýine sáıkes, Ortalyq Azııadaǵy úsh memleket, atap aıtqanda Qazaqstan (0 ball), Qyrǵyzstan (0 ball) jáne Túrikmenstan (0 ball) terrorızm qaýipi óte tómen elderdiń qatarynda.

Bul rette kórshiles Ózbekstan — 90 (0,233 ball), al Tájikstan 70-orynǵa (0,999 ball) turaqtady. Indeksti qalyptastyrý tártibine saı, neǵurlym elder keıingi oryndarǵa jaıǵassa, soǵurlym ol memlekettegi terrorızm qaýipi tómen dep baǵalanady.

Qazaqstan terrorızm qaýipi eń tómen elderdiń qatarynda
Foto: UQK

Zertteý derekterine sáıkes, Reseı (16-oryn) terrorızm qaýipi joǵary elder qatarynda. Belarýs pen Ázerbaıjan 90-shy orynda bolsa, Armenııa 79-orynǵa turaqtaǵan.

Alǵashqy úshtikke Býrkına-Faso, Pákistan jáne Sırııa enip otyr. Jalpy, sarapshylar óz baıandamasynda atap ótkendeı, terrorızm áli de basty qaýipterdiń biri bolyp qala beredi.

— Eýrazııada bir jylda 18 terrorlyq shabýyl bolyp, saldarynan 199 adam qaza tapty. Bul 2010 jyldan beri tirkelgen eń joǵary kórsetkish, — delingen Ekonomıka jáne beıbitshilik ınstıtýtynyń baıandamasynda.

Eske salaıyq, buǵan deıin Ulybrıtanııa barlaý qyzmetiniń burynǵy basshysy Djon Soıers Izraıl armııasynyń HAMAS jetekshisi ıAhıa Sınvardy óltirýi resmı Londonda lańkestik áreketterdiń kúsheıýine ákelýi múmkin ekenin eskertti.

Qosa ketsek, taıaýda áleýmettik jelide terrorızmdi nasıhattady degen kúdikpen 4 qazaqstandyq ustalǵan bolatyn.

Сейчас читают