Qazaqstan telearnalarynda habar taratý qashan qalpyna keltiriledi

Qazirgi kezde «Respýblıkalyq ǵaryshtyq baılanys ortalyǵy» AQ ulttyq operatory ǵarysh apparatyn jasaýshy «M.F.Reshetnev atyndaǵy aqparattyq jerserik júıesi» AQ-men birlese servısterdi qalpyna keltirý jumystaryn jalǵastyryp jatyr, dep habarlaıdy QazAqparat.

Taratylǵan málimetke qaraǵanda, baılanys jáne telearna habaryn taratý operatorlaryna qyzmet kórsetý servısin qalpyna keltirý 16 qyrkúıekte shamamen saǵat 12:00-ge josparlanǵan.

«KazSat-3» ǵarysh apparatyndaǵy bul jaǵdaıdyń sebebin anyqtaý boıynsha jumys jalǵasyp jatyr. Tekseris nátıjesi boıynsha apparatty qurastyrýshy kásiporyn qajet bolǵan jaǵdaıda spýtnıktiń baǵdarlamalyq júıesin jetildirý baǵytynda tıisti usynystardy ázirleıdi», - delingen habarlamada.

Budan buryn habarlanǵandaı, «Qazteleradıo» AQ qazaqstandyq KazSat-3 spýtnıgindegi tótenshe jaǵdaıǵa baılanysty OtauTV paketterindegi keıbir qazaqstandyq jáne sheteldik telearnalar jumys istemeı turǵanyn málim etti.

Sonymen qatar, Tsıfrlyq damý, ınnovatsııalar jáne aeroǵarysh ónerkásibi mınıstrligi bul jaǵdaıǵa qatysty túsinik berdi.