Qazaqstan tek Qytaıǵa ǵana jylý bóletin jınaqtar eksporttaıdy

ASTANA. KAZINFORM – Qazaqstan tek Qytaıǵa ǵana jylý bóletin jınaqtar eksporttaıdy. Bul týraly Úlbi metallýrgııalyq zaýytynan málim etti.

«Jylý bóletin jınaqtar — eksporttyq ónim. Ol CGN kompanııasynyń qatysýymen tek Qytaı Halyq Respýblıkasyna QHR atom stantsııalaryna jetkiziledi. 2022-2023 jyldary QHR-ǵa jylý bóletin jınaqtar 5 ret jetkizildi. Tómen baıytylǵan ýranǵa qaıta eseptegende shamamen 150 tonna ónim jóneltildi. Qytaıdyń atom elektr stantsııasynyń reaktorlaryna eki jylý bóletin jınaqtar júkteldi. Olar: Qytaıdyń ońtústigindegi „ıAntszıan“ jáne „Fanchengan“ stantsııalary.

2024 jyldyń shilde aıynyń sońynda jylý bóletin jınaqtardyń barlyǵy 8 jetkizilimi júzege asyryldy. Tómen baıytylǵan ýranǵa qaıta eseptegende bul 240 tonnany quraıdy», — delingen zaýyttyń resmı jaýabynda.

Aıta keteıik, jaqyn arada Kazinform agenttigi menshikti tilshisiniń Úlbi metallýrgııalyq zaýytynan fotoreportajy jarııalanady.