Qazaqstan Tájikstannyń negizgi saýda seriktesiniń «úshtigine» kirdi

ASTANA. KAZINFORM — 2026 jyldyń qańtar aıynyń sońyna qaraı Qazaqstan men Tájikstan arasyndaǵy saýda aınalymy 120 mln dollarǵa jetti, ósim 13,5 paıyzǵa ósken, dep habarlaıdy Kazinform-nyń Dýshanbedegi menshikti tilshisi. 

TR Statıstıka jónindegi agenttiginiń málimetinshe, Tájikstannyń osy jyldyń qańtar aıyndaǵy syrtqy saýda aınalymy 929,0 mln AQSh dollary shamasynda boldy, ósim ótken jyldyń sáıkes kezeńimen salystyrǵanda 31,4%-dy qurady.

Qazirgi ýaqytta Tájikstan 94 elmen saýda júrgizip otyr, onyń ishinde 10-y — TMD jáne 74 alys shet elderi.

Tájikstannyń jetekshi saýda seriktesi — Qytaı. Eki el arasyndaǵy saýda aınalymy qańtar aıynda 1,9 ese ósip, 281,1 mln AQSh dollaryna jetti (jalpy kólemniń 30%-y).

Kelesi orynda Reseı tur. 2026 jyldyń alǵashqy aıynda bul elmen ımport pen eksport kólemi 236,8 mln AQSh dollaryn (25%) qurady.

Alǵashqy «úshtikti» Qazaqstan aıaqtaıdy. Qańtar aıynda bizdiń elimiz ben Tájikstan arasyndaǵy saýda aınalymy 120,1 mln AQSh dollaryn (13%) qurady. Tájikstan Qazaqstanǵa 11,4 mln dollarǵa taýar eksporttap, 108,7 mln dollardan astam somaǵa ımporttady.

Eske sala ketsek, ótken jyly Tájikstanǵa 37 myńnan astam qazaqstandyq týrıst barǵanyn jazdyq.