Qazaqstan shyǵanaq elderiniń energetıkalyq kompanııalarymen yntymaqtastyqqa daıyn - Toqaev

ASTANA. QazAqparat – Qazaqstan shyǵanaq elderiniń energetıkalyq kompanııalarymen yntymaqtastyqqa daıyn. Bul týraly Memleket basshysy Qasym-Jomart Toqaev «Ortalyq Azııa + Shyǵanaqtaǵy arab memleketteriniń yntymaqtastyq keńesi» birinshi sammıtinde aıtty, dep habarlaıdy QazAqparat tilshisi.

«Qazaqstan sizderdiń elderińizdiń iri energetıkalyq kompanııalarymen, atap aıtqanda, «Jasyl» energetıka salasynda tyǵyz yntymaqtastyqqa daıyn. Saýd Arabııasynyń ACWA power, ámirliktiń Masdar, Qatar kompanııalarymen jobalar perspektıvaly bolyp kórinedi. Jaqynda ShYU-ǵa múshe memleketter basshylary keńesiniń otyrysynda men Qazaqstanda halyqaralyq energetıkalyq forým ótkizýdi usyndym. Yntymaqtastyq keńesine múshe elderdiń munaı jáne gaz eksporttaýshylaryn osy is-sharaǵa qatysýǵa shaqyramyz», - dedi Qasym-Jomart Toqaev sammıt barysynda.