2024-2026 marketıng jylyna rekordtyq astyq eksporttadyq – Aıdarbek Saparov

ASTANA. KAZINFORM – Qazaqstan astyǵy álemniń 45 eline eksportqa shyǵarylady. Bul týraly jyl qorytyndysyna oraı BAQ ókilderimen kezdesken Aýyl sharýashylyǵy mınıstri Aıdarbek Saparov aıtty.

- 2025 jylǵy 11 aıdyń qorytyndysynda aýyl sharýashylyǵy jalpy óniminiń kólemi 6,1 paıyzǵa ósip, 9,2 trln teńgeni qurady. Bul ósim mal sharýashylyǵynda óndiris kóleminiń - 3,5, al ósimdik sharýashylyǵynda 7,5 paıyzǵa artýy esebinen qamtamasyz etildi, - dedi Aıdarbek Saparov. 

Onyń aıtýynsha, 2024 jyldyń rekordyq ónimi astyq pen un eksportyna áser etti.

- 2024-2025 marketıng jylynyń qorytyndysynda Qazaqstan rekordtyq 13,4 mln tonna astyq, al jemdik undy qosa alǵanda 15 mln tonnadan astam ónim eksportqa shyǵardy. Qalǵany eldiń ishinde mal azyǵyna, qaıta óńdeý men tuqymǵa paıdalanyldy. Jańa ónimnen búginde 3,9 mln tonna astyq eksporttaldy. Bul ótken jyldyń osyndaı kezeńimen salystyrǵanda 13,6 paıyzǵa kóp. Eksporttyq áleýet 13 mln tonnaǵa jetedi, al eksport geografııasy álemniń 45 elin qamtıdy, - dedi mınıstr.

Osyǵan deıin bıdaı men júgeri óńdeý salasyna 2,6 mlrd dollar ınvestıtsııa tartylatyny týraly jazdyq.