«Qazaqstan» shahtasynda órt sóndirýdiń belsendi kezeńi bastaldy
Órt shyqqan shahtada taǵdyry belgisiz bolǵan besinshi kenshiniń denesi tabylǵannan keıin, órt sóndirý qarqynmen júrgizile bastady. Buǵan deıin bar kúsh-jiger jer betine shyǵarylmaı qalǵan kenshilerdi izdep tabýǵa jumyldyrylǵan bolatyn.
«Qazaqstan» shahtasynda tótenshe jaǵdaıdy joıý jumystary jalǵasyp jatyr. Tótenshe jaǵdaıjy joıý jumystary Tótenshe jaǵdaılar mınıstri Syrym Sháriphanovtyń baqylaýynda. Taý-ken qutqarýshylary (kezekshiligi – red.) aýystyryldy.«Kásibı áskerılendirilgen avarııalyq-qutqarý qyzmeti» respýblıkalyq ortalyq shtabynyń basshylyǵymen taý-ken qutqarýshylarynyń jańa aýysymynyń aldyna mindetter qoıyldy. Saǵat 22:40-ta besinshi taý-ken jumysshysynyń denesi tabyldy. Іzdestirý jumystary apat bolǵan ýchaskedegi tútinmen jáne joǵary temperatýra saldarynan qıyndaǵan bolatyn. Taý-ken qutqarýshylary órt oshaqtaryn sóndirýdiń belsendi kezeńine kirisýde
, - delingen mınıstrlik málimetinde.
Eske salsaq, Qaraǵandy oblysyndaǵy «Qazaqstan» shahtasynda órt 17 tamyz kúni saǵat 10:05-te tutandy.
Apat kezinde jer astynda 227 kenshi boldy. 222 adamdy jer betine jedel kóterý múmkin boldy, segizi zardap shekti.
Búgin shahtanyń astynda qalyp qoıǵan besinshi kenshiniń denesi tabyldy.
Qaza tapqandardyń aty-jóni:
1. Steshın Denıs Gennadevıch, 1978 jyly týǵan, 4-razrıadty jerasty úńgýshisi, eńbek ótili 21 jyl;
2. Halıkov Artýr Rınatovıch, 1994 jyly týǵan, 4-razrıadty jerasty elektrsheberi, eńbek ótili 10 jyl;
3. Býrgýn Vıktor Sergeevıch, 1966 jyly týǵan, 5-razrıadty jerasty elektrsheberi, eńbek ótili 39 jyl;
4. Slıýnkov Vıtalıı Vladımırovıch, 1965 jyly týǵan, 5-razrıadty jerasty elektrsheberi, eńbek ótili 39 jyl;
5. Starovoıt Ilıa Aleksandrovıch, 1996 jyly týǵan, 3-razrıadty jerasty elektrsheberi, eńbek ótili 4 jyl.
18 tamyzdaǵy jaǵdaı boıynsha medıtsına mekemelerinde órtten zardap shekken 11 kenshi em qabyldap jatty.
Eńbek jáne halyqty áleýmettik qorǵaý mınıstrligi Eńbek jáne áleýmettik qorǵaý komıtetiniń tóraǵasy Tólegen Ospanqulov málim etkendeı, «Qazaqstan» shahtasyndaǵy apat úshin jaýapty tulǵa 7 jylǵa deıin túrmege qamalýy múmkin.
Prezıdent Qasym-Jomart Toqaev órt sebebin anyqtaý úshin jan-jaqty tergeý júrgizýdi tapsyrdy.
20 tamyz «ArselorMıttal Temirtaý» AQ-da aza tutý kúni bolyp jarııalandy.
Kompanııa basshylyǵy zardap shekken otbasylarǵa qajetti barlyq kómek kórsetýge ýáde etti.
