Qazaqstan-Serbııa bıznes forýmynda 4 memorandýmǵa qol qoıyldy
Bıznes-forým barysynda 4 vedomstvoaralyq memorandýmǵa qol qoıyldy. Olar: Qazaqstan Respýblıkasy Investıtsııalar jáne damý mınıstrligi men Serbııa Respýblıkasynyń Qurylys, kólik jáne ınfraqurylym mınıstrligi arasyndaǵy áýe tasymaly salasyndaǵy ózara túsinistik týraly memorandým, Qazaqstan Respýblıkasy Investıtsııalar jáne damý mınıstrligi men Serbııa Respýblıkasynyń Qurylys, kólik jáne ınfraqurylym mınıstrligi arasyndaǵy qurylys salasyndaǵy yntymaqtastyq jáne tájirıbe almasý týraly memorandým, Qazaqstan Respýblıkasy Áleýmettik damý mınıstrligi men Serbııa Respýblıkasynyń Jastar jáne sport mınıstrligi arasyndaǵy Jastar saıasaty salasyndaǵy ózara túsinistik týraly memorandým, «Veterınarlyq medıtsına ulttyq anyqtamalyq ortalyǵy» RMK men Serbııanyń ǵylymı veterınarlyq ınstıtýty arasyndaǵy yntymaqtastyq týraly memorandým.
Aıta keterligi, sharaǵa agroónerkásiptik keshen, hımııa, týrızm, medıtsına, kólik, telekommýnıkatsııa sekildi salalardaǵy serbııalyq taraptyń 100-ge jýyq bıznes ókilderi qatysty. Serb kompanııalary arasynda Algotech (telekommýnıkatsııa), Chemical Agrosava (hımııa), Akomed (medıtsınalyq jabdyqtar óndirisi), Adanko (toqyma), Meat ING Belgrade (aýyl sharýashylyǵy), Veterınarlyq medıtsına ınstıtýty, Belgrad áýejaıy sııaqty iri kompanııalar bar.
