Qazaqstan Respýblıkasynyń azamattaryn bıýdjet qarajaty esebinen shetelge emdelýge jiberý qaǵıdalaryn bekitý týraly
Qazaqstan Respýblıkasy Densaýlyq saqtaý jəne əleýmettik damý mınıstrliginiń buıryǵy
2015 jylǵy 30 maýsym №544 Astana qalasy
Qazaqstan Respýblıkasynyń azamattaryn bıýdjet qarajaty esebinen shetelge emdelýge jiberý qaǵıdalaryn bekitý týraly
«Halyq densaýlyǵy jəne densaýlyq saqtaý júıesi týraly» Qazaqstan Respýblıkasy 2009 jylǵy 18 qyrkúıektegi Kodeksiniń 7-babynyń 1-tarmaǵynyń 80-tarmaqshasyna səıkes buıyramyn:
1. Qosa berilip otyrǵan Qazaqstan Respýblıkasynyń azamattaryn bıýdjet qarajaty esebinen shetelge emde- lýge jiberý qaǵıdalary bekitilsin.
2. Qazaqstan Respýblıkasy Densaýlyq saqtaý jəne əleýmettik damý mınıstrliginiń Medıtsınalyq kómekti uıymdastyrý departamenti zańnamada belgilengen tərtippen:
1) osy buıryqty Qazaqstan Respýblıkasy Ədilet mınıstrliginde memlekettik tirkeýdi;
2) osy buıryqty Qazaqstan Respýblıkasy Ədilet mınıstrliginde memlekettik tirkegennen keıin kúntizbelik on kúnniń ishinde merzimdik baspasóz basylymdarynda jəne «Ədilet» aqparattyq-quqyqtyq júıesinde resmı jarııalaýǵa joldaýdy;
3) osy buıryqty Qazaqstan Respýblıkasy Densaýlyq saqtaý jəne əleýmettik damý mınıstrliginiń ınternet- resýrsynda ornalastyrýdy;
4) osy buıryq Qazaqstan Respýblıkasy Ədilet mınıstrliginde memlekettik tirkelgennen keıin on jumys kúni ishinde Qazaqstan Respýblıkasy Densaýlyq saqtaý jəne əleýmettik damý mınıstrligi Zań qyzmeti departamentine osy tarmaqtyń 1), 2), 3) tarmaqshalarymen kózdelgen is-sharalardyń oryndalýy týraly məlimetterdi usynýdy qamtamasyz etsin.
3. Osy buıryqtyń oryndalýyn baqylaý Qazaqstan Respýblıkasynyń Densaýlyq saqtaý jəne əleýmettik damý vıtse-mınıstri A.V. Tsoıǵa júktelsin.
4. Osy buıryq ony alǵashqy resmı jarııalaǵan kúninen bastap qoldanysqa engiziledi.
Qazaqstan Respýblıkasynyń Densaýlyq saqtaý jəne əleýmettik damý mınıstri T. DÚISENOVA
Qazaqstan Respýblıkasy Densaýlyq saqtaý jəne əleýmettik damý mınıstriniń 2015 jylǵy 30 maýsymdaǵy №544 buıryǵymen bekitilgen
Qazaqstan Respýblıkasynyń azamattaryn bıýdjet qarajaty esebinen shetelge emdelýge jiberý qaǵıdalary
1. Jalpy erejeler
1. Osy Qazaqstan Respýblıkasynyń azamattaryn bıýdjet qarajaty esebinen shetelge emdelýge jiberý qaǵıdalary (budan əri - Qaǵıdalar) «Halyq densaýlyǵy jəne densaýlyq saqtaý júıesi týraly» Qazaqstan Respýblıkasynyń 2009 jylǵy 18 qyrkúıektegi Kodeksiniń 7-babynyń 1-tarmaǵynyń 80-tarmaqshasyna (budan əri - Kodeks) səıkes əzirlendi jəne Qazaqstan Respýblıkasynyń azamattaryn bıýdjet qarajaty esebinen shetelde emdelýge jiberý tərtibin aıqyndaıdy.
2. Osy Qaǵıdalar Qazaqstan Respýblıkasynyń azamattaryn bıýdjet qarajaty esebinen sheteldik medıtsınalyq uıymdarǵa emdelýge jiberý tərtibin retteıdi.
3. Qazaqstan Respýblıkasynyń azamattaryn sheteldik medıtsınalyq uıymdarǵa emdelýge jiberýdi Qazaqstan Respýblıkasynyń densaýlyq saqtaý salasyndaǵy ýəkiletti organ (budan əri - Ýəkiletti organ) bıýdjet qarajaty esebinen:
1) osy Qaǵıdalarǵa 1-qosymshaǵa səıkes Qazaqstan Respýblıkasynyń azamattary bıýdjet qarajaty esebinen shetelge emdelýge jiberiletin aýrýlardyń tizbesine səıkes;
2) osy Qaǵıdalarǵa 2-qosymshaǵa səıkes bıýdjet qarajaty esebinen shetelge emdelýge jiberiletin Qazaqstan Respýblıkasy azamattarynyń jekelegen sanattarynyń tizbesine səıkes júzege asyrady.
4. Osy Qaǵıdalarda paıdalanylatyn negizgi uǵymdar:
1) Qazaqstan Respýblıkasynyń azamattaryn sheteldik medıtsınalyq uıymdarǵa emdelýge jiberý jónindegi turaqty jumys isteıtin komıssııa (budan əri - Komıssııa) - ýəkiletti organ janyndaǵy Qazaqstan Respýblıkasynyń azamattaryn sheteldik medıtsınalyq uıymdarǵa Densaýlyq týraly kodekstiń 7-babynyń 80-tarmaqshasynyń negizinde aıqyndalǵan tərtippen jiberý jónindegi konsýltatsııalyq-keńestik organ;
2) jumys organy - Qazaqstan Respýblıkasynyń azamattaryn bıýdjet qarajaty esebinen shetelge emdelýge jiberý məseleleri boıynsha Densaýlyq týraly kodekstiń 7-babynyń 80) tarmaqshasyna səıkes ýəkiletti organmen aıqyndaıtyn konsýltatsııalyq organ;
3) densaýlyq saqtaý salasyndaǵy ýəkiletti organ (budan əri - ýəkiletti organ) - azamattardyń densaýlyǵyn saqtaý, medıtsınalyq jəne farmatsevtıkalyq ǵylym, medıtsınalyq jəne farmatsevtıkalyq bilim berý, dərilik zattardyń, medıtsınalyq maqsattaǵy buıymdar men medıtsınalyq tehnıkanyń aınalysy, medıtsınalyq qyzmetterdiń sapasyn baqylaý salasyndaǵy basshylyqty júzege asyratyn memlekettik organ; 4) densaýlyq saqtaý basqarmasy - oblystardyń, respýblıkalyq mańyzy bar qalanyń, astananyń densaýlyq saqtaýdy basqarýdyń jergilikti organy.
2. Qazaqstan Respýblıkasynyń azamattaryn bıýdjet qarajaty esebinen shetelge emdelýge jiberý tərtibi
5. Qazaqstan Respýblıkasynyń azamattaryn bıýdjet qarajaty esebinen shetelge emdelýge jiberi məselesin densaýlyq saqtaý basqarmasy Komıssııanyń qaraýyna mynadaı qujattardy engizedi:
1) densaýlyq saqtaý basqarmasynyń patsıentti sheteldik medıtsınalyq uıymdarǵa emdelýge jiberý týraly qoldaýhaty;
2) patsıentttiń jeke basyn kýəlandyratyn qujattyń kóshirmesi;
3) jumys organynyń patsıentti bıýdjet qarajaty esebinen dəleldi medıtsınanyń negizinde osy patsıentti emdeýdiń joǵary tehnologııalyq ədisi neǵurlym tıimdi júrgiziletin sheteldik medıtsınalyq uıymdarǵa emdelýge jiberýdiń oryndylyǵy týraly qorytyndysy (budan əri - qorytyndy).
6. Qorytyndyny alý úshin densaýlyq saqtaý basqarmasy jumys organyna respýblıkalyq medıtsınalyq uıym usynǵan, júrgizilgen barlyq zertteýlerdiń, konsýltatsııalardyń, emdeýdiń nətıjelerin jəne patsıentti sheteldik medıtsınalyq uıymdarda emdeý qajettiligi týraly qorytyndyny qamtıtyn aýrý tarıhynan egjeı-tegjeıli úzindiniń kóshirmesin jiberedi. Emdeýshi dəriger qol qoıǵan jəne birinshi basshy (ony almastyratyn tulǵa) rastaǵan əri mór soǵylǵan aýrý ta- rıhynan úzindi jumys organyna jiberilgenge deıin bir aıdan keshiktirilmeı berilýi tıis.
7. Densaýlyq saqtaý basqarmasy patsıenttiń medıtsınalyq qujattaryn jumys organyna qolma-qol nemese ın- ternet-baılanysy arqyly olardy tirkegen sətten bastap 3 jumys kúni ishinde jetkizedi.
8. Jumys organy qorytyndyny usynýy úshin:
1) densaýlyq saqtaý basqarmasy usynǵan patsıenttiń medıtsınalyq qujattaryn qaraıdy;
2) Ýəkiletti organnyń shtattan tys bas mamandaryn tartady;
3) Qazaqstan Respýblıkasynyń medıtsınalyq uıymdarynyń jaǵdaıynda júrgizilgen barlyq zertteýlerdi usyna otyryp, patsıentti shetelge emdelýge jiberý mənine sheteldik medıtsınalyq uıymdarmen mindetti túrde aldyn ala telemedıtsınalyq konsýltatsııalar ótkizedi. Qajet bolǵan kezde sheteldik medıtsınalyq uıym telemedıtsınalyq konsýltatsııany patsıenttiń qatysýymen ótkizedi;
4) sheteldik medıtsınalyq uıym patsıentti emdeý týraly kelisken jəne rastaǵan kezde emdeý baǵdarlamasy men ony kórsetýge arnalǵan shyǵystar kalkýlıatsııasyn suratady;
5) usynylǵan emdeý baǵdarlamasyna səıkes sheteldik medıtsınalyq uıymnyń kelisimi boıynsha jumys orga- ny nemese Qazaqstan Respýblıkasynyń ózge beıindi medıtsınalyq uıymdardyń jaǵdaıynda qosymsha tekserýdi, mamandardyń konsýltatsııasyn ótkizedi, al olardy ótkizý múmkin bolmaǵanda olardy sheteldik medıtsınalyq uıymdarda ótkizýge kelisedi;
6) ótkizilgen telekonsýltatsııanyń, baǵa saıasatynyń marketıngtik zertteýler nətıjeleriniń jəne emdeýdi júrgizý talaptarynyń negizinde sheteldik medıtsınalyq uıymdy irikteýdi júrgizedi jəne keminde 2 sheteldik medıtsınalyq uıymda emdeý qunynyń taldaýy bar osy Qaǵıdalarǵa 3-qosymshaǵa səıkes nysan boıynsha qorytyndy beredi.
7) shetelge emdelýge jiberiletin patsıentterdiń aýrýlary týraly derekter bazasyn qurady;
8) sheteldik medıtsınalyq uıymdarǵa emdelýge jiberilgen patsıentterdi emdeý nətıjelerine monıtorıng júrgizedi;
9) patsıentti sheteldik medıtsınalyq uıymdarǵa emdelýge jiberýdiń oryndylyǵyn anyqtaıtyn otandyq medıtsınalyq uıymdarda qoldanylmaıtyn dıagnostıkalaý men emdeýdiń joǵary tehnologııalyq ədisteriniń ba- zasyn qalyptastyrady;
10) ýəkiletti organǵa jartyjyldyqta 1 ret Qazaqstan Respýblıkasy azamattarynyń sheteldik medıtsınalyq uıymdarda emdelýi boıynsha kelesi esepti aıdyń 15-kúnine taldamalyq aqparatty usynady. Qorytyndyny naýqasty emdeýge jatqyzýǵa nemese qosymsha zerthanalyq-dıagnostıkalyq zertteýlerdi júrgizýge kórsetilimderi bolmaǵan jaǵdaıda jumys organy densaýlyq saqtaý basqarmasyna qujattar kelip túsken kúninen bastap 7 jumys kúniniń ishinde jəne patsıentke Qazaqstan Respýblıkasynyń medıtsınalyq uıymdarynda qosymsha tekserý nemese emdeý júrgizilgen jaǵdaıda 20 kúnniń ishinde usynady.
9. Patsıentti sheteldik medıtsınalyq uıymdarda emdelýge jiberý (jiberýden bas tartý) týraly sheshimdi Komıssııa osy Qaǵıdalardyń 5-tarmaǵynda kórsetilgen usynylǵan qujattardyń negizinde, olar Ýəkiletti organǵa túsken kúninen bastap 10 jumys kúninen aspaıtyn merzimde qabyldaıdy.
10. Sheteldik medıtsınalyq uıymdy tańdaýdy Komıssııa osy sheteldik medıtsınalyq uıymda medıtsınalyq kómek kórsetýdiń sapasyn, kútý uzaqtyǵyn jəne baǵa saıasatyn esepke ala otyryp, jumys organy bergen usynymdardy eskere otyryp júzege asyrady.
11. Komıssııanyń patsıentti kezektilik nemese basym tərtippen sheteldik medıtsınalyq uıymdarda emdelýge jiberý (jiberýden bas tartý) týraly sheshimi Komıssııa otyrysynyń hattamasymen resimdeledi. Basym tərtippen balalar, júkti əıelder, patsıentter aýrýdyń bir beıini bóligindegi qalyptasqan kezektilikke səıkes týystyq donor bolǵan jaǵdaıda aǵzalardy, tinderdi transplanttaý júrgizýdi qajet etetin patsıentter, sondaı-aq densaýlyq jaǵdaıy ómirine qaýip tóndiretin patsıenter jiberiledi.
12. Komıssııanyń patsıentti sheteldik medıtsınalyq uıymdarǵa emdelýge jiberý (jiberýden bas tartý) týraly sheshimi 5 jumys kúniniń ishinde jazbasha nysanda patsıentke (onyń zańdy ókiline) jiberiledi. Komıssııa patsıentti sheteldik medıtsınalyq uıymdarǵa emdelýge jiberýden bas tartý týraly sheshim qabyl- daǵan jaǵdaıda Ýəkiletti organ 5 jumys kúniniń ishinde patsıentke (onyń zańdy ókiline) Qazaqstan Respýb- lıkasynyń zańnamasyna səıkes respýblıkanyń aýmaǵynda medıtsınalyq kómek kórsetý týraly usynym beredi.
13. Balalar, sondaı-aq bógde kútimdi qajet etetin adamdar sheteldik medıtsınalyq uıymdarǵa jol júrý shyǵystaryn bıýdjet qarajaty esebinen Ýəkiletti organ tóleıtin alyp júretin adammen jiberiledi.
14. Ýəkiletti organ jumys organnyń usynymdaryn eskere otyryp, Komıssııa sheshiminiń negizinde sheteldik medı- tsınalyq uıymmen Qazaqstan Respýblıkasynyń azamattaryna medıtsınalyq qyzmet kórsetý týraly shart jasasady.
15. Ýəkiletti organ patsıentterdiń emdeý jəne jol júrý shyǵystaryn tóleýdi júrgizedi.
16. Sheteldik klınıkalarǵa emdelýge óz betinshe shyqqan patsıentterdiń materıaldaryn Komıssııa qaramaıdy jəne shyǵystary tóleýge jatpaıdy.
17. Shart emdeý ədisterine jəne uzaqtyǵyna qaraı uzaq merzimdi sıpatqa ıe bolýy jəne emdeýge kezeń-kezeńimen aqy tóleýdi kózdeýi múmkin. Kezeń-kezeńimen emdeý patsıentti sheteldik medıtsınalyq uıymǵa aǵzalardy (aǵzalardyń bóligin) jəne (nemese) tinderdi (tinniń bóligin) transplanttaýǵa jibergen jaǵdaıda kózdeledi. Bul rette emdeýdiń birinshi kezeńi sheteldik medıtsınalyq uıymda donordy tańdaý, sondaı-aq tikeleı donordy izdestirý úshin patsıentti qajetti zertteýler júrgizýdi kózdeıdi. Shetelde aǵzalar jəne (nemese) tinderdi transplanttaý kezeginde turǵan patsıentterge HLA - tıpteý júrgizý qajet bolǵan jaǵdaıda olarǵa donor izdeýdi jalǵastyrý úshin, Komıssııanyń sheshimi boıynsha, ýəkiletti or- gan aıqyndaǵan medıtsınalyq uıym toqsan saıyn aǵzalar (aǵzalardyń bóligin) jəne (nemese) tinderdiń (tinniń bóligin) transplanttaýyn qajet etetin patsıentterdiń qan sarysýyn alyp, sheteldik medıtsınalyq uıymǵa bıýdjet qarajatynyń esebinen jetkizedi. Donordy tańdaǵan jaǵdaıda patsıent emdeýdiń ekinshi kezeńine - aǵzalar (aǵzalardyń bóligin) men tinderdi (tinniń bóligin) transplanttaýǵa jiberiledi. Patsıenttiń birinshi jəne ekinshi kezeńdegi, sondaı-aq alyp júretin adamnyń jol júrýine aqy tóleýdi Komıssııanyń sheshimi boıynsha ýəkiletti organ júzege asyrady. Aǵzalar (aǵzalardyń bóligin) men tinderdi (tinniń bóligin) transplanttaý kezinde emdeýdiń ərbir kezeńine Ýəkiletti organ sheteldik medıtsınalyq uıymmen jeke shart jasasady.
18. Ýəkiletti organ sheteldik medıtsınalyq uıymǵa patsıentti shetelde emdeý boıynsha sharttyń jalpy somasy- nan 70%-ǵa deıingi mólsherde avans tóleıdi. Uzaq merzimdi emdeý kezinde ýəkiletti organ atqarylǵan jumystardyń aralyq aktileri boıynsha sheteldik klınıkaǵa aı saıynǵy tólemdi júrgizedi. Túpkilikti tólem sheteldik medıtsınalyq uıym atqarylǵan jumystardyń qorytyndy aktisin usynǵannan keıin júzege asyrylady.