Qazaqstan pasporty álemdik reıtıngte 61-orynǵa kóterildi

ASTANA. KAZINFORM – Henley & Partners kompanııasy jyl saıyn jarııalaıtyn pasporttar ındeksinde Qazaqstan pozıtsııasyn jaqsartty. Jańa reıtıngte qazaqstandyq tólqujat 61-orynǵa kóterildi.

Buǵan deıin Qazaqstan 64-orynda bolǵan. Osylaısha, Ortalyq Azııa elderi arasynda qazaqstandyq pasport eń «kúshti» qujat sanalady.

Aımaq elderi arasyndaǵy kórsetkishter:

– Qyrǵyzstan – 71 oryn,

– Ózbekstan – 72 oryn,

– Tájikstan – 78 oryn,

– Túrikmenstan – 84 oryn.

Reıtıng derekterine sáıkes, Qazaqstan azamattary vızasyz 79 memleketke bara alady.

Tizimniń kósh basynda – Sıngapýr, onyń azamattary 193 elge vızasyz saparlaı alady.

Ekinshi orynda Japonııa men Ońtústik Koreıa (190 baǵyt).

Al eń shekteýli tólqujattar Aýǵanstan, Irak jáne Sırııa azamattaryna tıesili.

Aıta keteıik, Qazaqstandyq tólqujat jańartyldy, al eski pasportty ne isteý kerektigin mynaý siltemeden oqyńyz.