Qazaqstan-Ózbekstan birlesken demarkatsııalyq komıssııasynyń kezekti otyrysy ótti

ALMATY. QazAqparat - 2021 jylǵy 7-11 maýsymda Almaty qalasynda Qazaqstan-Ózbekstan birlesken demarkatsııalyq komıssııasyndaǵy Qazaqstan Respýblıkasy men Ózbekstan Respýblıkasy Úkimettik delegatsııalarynyń 84-otyrysy ótti.

Bul týraly QazAqparat QR Syrtqy ister mınıstrliginiń baspasóz qyzmetine silteme jasap habarlaıdy.

Taraptar memlekettik shekarany demarkatsııalaýdyń qorytyndy qujattarynyń jobalaryn daıyndaýdy jáne Qazaqstan Respýblıkasy men Ózbekstan Respýblıkasy arasyndaǵy Qazaqstan-Ózbekstan memlekettik shekarasyn demarkatsııalaý týraly sharttyń jobasyn talqylaýdy jalǵastyrdy.

Kelesi otyrys Ózbekstan Respýblıkasynda josparlanǵan.