Qazaqstan óńirlerinde 17 myń km elektr jelileri jańartylyp jatyr
ASTANA. KAZINFORM — Soltústik Qazaqstan oblysy boıynsha Energetıka mınıstrligine qarasty Atomdyq jáne energetıkalyq baqylaý komıtetiniń aýmaqtyq departamenti Maǵjan Jumabaev aýdany aýmaǵynda ornalasqan, «SK REK» AQ qyzmet kórsetetin 35/10 kV «Fýrmanovskaıa» qosalqy stantsııasynda júrgizilgen kúrdeli jóndeý jumystaryna tekserý júrgizdi.
Jóndeý jumystary bıylǵy 18–31 tamyz aralyǵynda ótti. Qosalqy stantsııada maı aýystyrý jáne maı toltyrylǵan jabdyqtardy jóndeý, ızolıatorlardy aýystyrý, ajyratqyshtardy retteý jáne releılik qorǵanysqa revızııa jasaý jumystary oryndaldy. Sonymen qatar, T-1 jáne T-2 transformatorlaryna synaq júrgizilip, 35 kV engizý qurylǵysy men sılıkagel aýystyryldy, bólgishter rettelip, jerge tuıyqtaý júıesine tolyq revızııa jasaldy.
Energetıka mınıstrligi málimetinshe, jalpy respýblıka boıynsha energetıkalyq nysandardy jóndeýge 376 mlrd teńge baǵyttaý josparlanyp otyr — bul ótken jylmen salystyrǵanda 13%-ǵa kóp.
REK-terdiń elektr jelilerinde jalpy uzyndyǵy 17 myń km bolatyn jelilerdi, 420 qosalqy stantsııany, 3,5 myń taratý pýnkti men transformatorlyq qosalqy stantsııany jóndeý kózdelgen. Jóndeý kampanııasy elektrmen jabdyqtaýdyń senimdiligi men qaýipsizdigin arttyryp, apat qaýpin azaıtyp, qosalqy stantsııanyń kúzgi-qysqy kezeńdegi turaqty jumysyn qamtamasyz etti.
Aıta keteıik, Almatyda elimizdegi alǵashqy energetıkalyq Qaldyqtardy kádege jaratý zaýyty salynady.