Qazaqstan onlaın qyzmet boıynsha BUU reıtınginde 8-orynda tur

ASTANA. QazAqparat – QR Tsıfrlyq damý, ınnovatsııalar jáne aeroǵarysh ónerkásibi mınıstri Baǵdat Mýsın Qazaqstannyń tsıfrlandyrý baǵytyndaǵy BUU reıtıngisinde neshinshi orynda turǵanyn aıtty, dep habarlaıdy QazAqparat tilshisi.

«Basshylardyń, jumyskerlerdiń, baǵdarlamashylardyń, aqparattyq qaýipsizdik salasyndaǵy mamandardyń keıingi jyldaǵy tııanaqty jumysynyń arqasynda Qazaqstan BUU retınginde Elektrondy úkimetti damytý ındeksi boıynsha bıyl 28 orynǵa shyqty. Byltyr 29-orynda edik. Bıyl sol dınamıkany saqtaı otyryp, 28-orynǵa kóterildik. Al onlaın qyzmetter sýbındeksi boıynsha álemde 8-orynda turmyz. Dúnıejúzindegi 193 memlekettiń arasynda biz segizinshi oryndamyz. ıAǵnı, biz elektrondy qalyptaǵy qyzmetterdiń kórsetkishi boıynsha álemniń úzdik ondyǵyna kiremiz», - dedi ol Tsıfrlandyrý jáne aqparattyq tehnologııalar qyzmetkerleriniń kúnine arnalǵan saltanatty sharada.

Sondaı-aq ol Qazaqstan tarıhynda tsıfrlandyrýdyń jańa dáýiri týǵanyn atap ótti.

«Bul jumysqa báriniń qatysy bar. Tipti qazir bızneste júrgen sala mamandarynyń da úlesi bar. Bank salasy men fıntek quraldar arqyly jeke sektordaǵy tsıfrlyq platformalarmen úndestikte damýdyń tyń baǵytyn tapqqannan beri, qoldaǵy BigData-da jumys isteý múmkindigin ashqan kezden bastap bizde damýdyń jańa dáýiri bastaldy dep oılaımyn», - dedi Baǵdat Mýsın.