Qazaqstan óńirlerinde shegirtkeniń kóbeıýine qatysty jaǵdaı – Úkimet baqylaýynda
Aqtóbe oblysynda 8 shildeden bastap aýyl sharýashylyǵy vıtse-mınıstri Ábilhaıyr Tamabek júr.
Aýyl sharýashylyǵy mınıstri Erbol Qarashókeev Qostanaı oblysyna shegirtkege qarsy kúres boıynsha qabyldanyp jatqan sharalardy baqylaý úshin bardy. Aqtóbe oblysynda 8 shildeden bastap aýyl sharýashylyǵy vıtse-mınıstri Ábilhaıyr Tamabek júr.
Jergilikti jerlerde jumysty úılestirý úshin oblys ákimderi orynbasarlarynyń basshylyǵymen jedel shtabtar quryldy. Bıologııalyq tıimdiligi joǵary, ıaǵnı 85%-dan tómen emes, Vanteks, Tıametrın, Karat sýper, Fobos, Fıpron preparattarymen júrgiziledi. AShM Agroónerkásiptik keshendegi memlekettik ınspektsııa komıtetiniń Qostanaı jáne Aqtóbe oblystarynyń óńirlik bólimsheleriniń derekteri boıynsha osy preparattardyń qajetti kólemi qolda bar.
Hımııalyq óńdeýlerdi júrgizý úshin Qostanaı oblysynda 9 jeldetkishi bar sepkish, 3 ushaq, 6 deltaplan, 13 aerozoldi gaz generatory jumyldyryldy. Aqtóbe oblysynda 56 arnaıy sepkish tehnıka, onyń ishinde 19 jeldetkishi bar sepkish, 19 aerozoldi gaz generatory, 8 asa jeńil avıatsııa kemesi jáne 10 ushaq bar.
Jalpy respýblıka boıynsha ıtalııalyq shegirtkege qarsy óńdeý 1,2 mln gektarǵa nemese 92,3%-ǵa júrgizildi. Jumystar Almaty, Atyraý, Shyǵys Qazaqstan, Jambyl, Jetisý, Batys Qazaqstan, Qaraǵandy, Qyzylorda jáne Pavlodar oblystarynda tolyq aıaqtaldy.
Bir kún buryn Abaı oblysynda zııankesterdiń kóbeıe bastaǵany tirkelgen edi, ol tıisti is-sharalardy ýaqytyly júrgizýdiń arqasynda qaýip tolyǵymen joıyldy. Atap aıtqanda, Shaǵan aýylynda 120 ga jaıylymdyq jer óńdeldi, egistiktegi aýyl sharýashylyǵy daqyldary zardap shekken joq.
Shegirtkelerge qarsy hımııalyq óńdeý jumystary olar shamadan tys taralǵan kezde, ıaǵnı eginshilik ónimderine qatty zııan keltirýi múmkin kezde júrgiziledi. Óńdeý tańerteń jáne keshki ýaqytta, shegirtkeler belsendi bolmaı, bir orynda shoǵyrlanǵan kezde júzege asyrylady, bul dári-dármekterdi qoldanýdyń tıimdiligin edáýir arttyrady.
Jalpy óńirler boıynsha monıtorıng jáne tıisti is-sharalar jalǵasýda.
