Qazaqstan naryǵyn jaýlaǵan Qytaı kólikteri – sarapshylar ne deıdi
Sońǵy kezderi qazaqstandyqtar qytaı avtokólikterin kóptep satyp alyp jatyr. Qazaqstan avtobıznes qaýymdastyǵynyń málimetinshe, bıyl on aıda otandastarymyz 97 737 kólik satyp alsa, qazan aıynda 9 870 jańa kólik satylǵan. Qytaı kólikteri eń tanymal brend mashınalardyń qatarynda.
Qazaqstandyq avtokólik sarapshylary Qytaıdyń avtoónerkásibi qarqyndy damyp jatyr dep esepteıdi. Sonymen qatar, qytaılyqtar modelderdi qajetti fýnktsııalarmen jáne optsııalarmen jabdyqtaýǵa tyrysady. Olardyń kólikteri búginde eýropalyq jáne japondyq brendterden esh kem túspeıdi, keıde tipti keıbir jaǵynan olardan asyp túsedi.
«Za rýlem» jýrnalynyń bas redaktory, avtosarapshy Alekseı Alekseev qytaı brendteriniń Qazaqstanda tanymal bolýy birneshe sebepterge baılanysty ekenin aıtty.
«Qazir álemde avtomobıl ónerkásibindegi daǵdarys bar, bul chıpterdiń tapshylyǵyna baılanysty. Sondyqtan búginde avtosalondarda kezekte turǵandardyń sany aıtarlyqtaı. Olar jańa kólikterdi 6 aıdan 4 jylǵa deıin kútýge májbúr. Qytaılyq brendterde mundaı problemalar joq. Óndirýshiler naryqqa qansha qajet bolsa, sonsha jetkizýge daıyn. Sondyqtan olar bizde tanymaldylyqqa ıe boldy. Satylym boıynsha Qytaı kólikteri alǵashqy ondyqqa kiredi», - dedi spıker.
Onyń aıtýynsha, qytaı kólikteri zamanaýı jáne jaqsy dızaınmen erekshelenedi. Óndirýshiler 7 jylǵa deıin kepildik beredi.
«Senimdilik turǵysynan men áli eshteńe aıta almaımyn. Barlyǵyn ýaqyt kórsetedi. Aıta keteıin, qytaılyq kólikter tehnologııalyq jaǵynan óte damyǵan. Olarda optsııalardyń úlken tizimi bar. Keıbir tanymal jáne qymbat brendterde bul tipti joq», - dep atap ótti avtosarapshy.
Alekseı Alekseev qytaılyq brendterden bas tartýǵa eshqandaı sebep kórmeıdi, biraq kólik satyp alǵanda ár adam óz betinshe tańdaý jasaýy kerek. Ol qytaılyq kólikterdiń únemdi ekenin jáne qosalqy bólshekter tapshylyǵynan zardap shekpeıtinin atap ótti.
«Jalǵyz nárse - ótimdilik ýaqyty. 3-5 jyl júrgen kóliktiń baǵasy qanshaǵa tómendeıdi ony ázirge eshkim bilmeıdi, - dedi spıker.
Avtobloger Dıaz Ábilqasovtyń pikirinshe, Qytaı avtoındýstrııasy dızaında kreatıvti bola bastady.
«Meniń oıymsha, dızaın jáne jabdyq jaǵynan Qytaı avtomobılderi jahandanýdyń, avtomobıl ónerkásibiniń qýatty damýynyń arqasynda úlken jetistikterge jetti, biraq tehnologııada belgili bir qıyndyqtar bar. Mysaly, mashınanyń baǵdarlamasyn retteý men testileýde. Kóbinese berilis qoraby men qozǵaltqyshtyń kelisilgen jumysyn retteý múmkin emes. Osynda problemalar bar», - dep atap ótti avtobloger.
Dıaz Ábilqasov qytaılyq brendterdiń jaqsy qozǵaltqyshtarǵa, berilis qorabyna, sonyń ishinde tolyq jetegine qol jetkizý óte shekteýli ekenin atap ótti. Eki lıtrge deıingi qozǵaltqyshtardyń kópshiligi týrbokompressorly, al kóptegen tanymal krossoverler aldyńǵy dóńgelekpen jabdyqtalǵan. Bul Qytaı avtomobıl ónerkásibinde joǵary sapaly tolyq jetekti júıelerdiń joqtyǵyn kórsetedi, atap aıtqanda qozǵaltqyshtardyń ártúrliligi joq.
«Bul shaǵyn kólemdi qozǵaltqyshtar. Qytaı zańynyń erekshelikterine baılanysty: olarda qýatty qozǵaltqyshy bar kólikterge salyq óte joǵary. Olar shaǵyn qozǵaltqyshtardyń qýat tapshylyǵynyń ornyn toltyrý úshin shaǵyn motordy paıdalanady», - dedi Dıas Ábilqasov.
Spıker qytaılyq brendterdiń baǵasy jaǵynan qolaıly ekenin atap ótti. Qazir qytaılyq avtokólik ónerkásibiniń artyqshylyǵy daǵdarys jaǵdaıynda olarda jetkizýde problema joq.
Dıaz Ábilqasovtyń sózinshe, qytaı kólikteriniń artyqshylyǵy- zamanaýı tartymdy dızaıny men jabdyqtalýy. Kemshiligi- qytaılyq kólikterdiń resýrsy men senimdiligi týraly aqparattyń joqtyǵy.
«Bul kóbinese álsiz ınjenerlik zertteý, modıfıkatsııalardyń shekteýli sany, ıaǵnı transmıssııalar, qozǵaltqyshtar. Olardyń tehnıkalyq toltyrylýy álsiz. Qazaqstandyqtardy qorqytatyn basty nársesi – kólikterdiń ótimdiligi. Tutynýshylarymyz bul kólikti qaıtalama naryqta qanshaǵa satamyz, baǵasy qanshaǵa joǵalady dep oılaıdy», - dep qosty ol.
Al, táýelsiz avtokólik odaǵynyń tóraǵasy Edýard Edokov QHR álemdegi eń iri avtokólik óndirýshilerdiń birine aınalyp kele jatqanyn atap ótti.
«Keıbir pozıtsııalar boıynsha, mysaly, elektr kólikterin óndirýde Qytaı búkil álemdi basyp ozady. Qytaıda jasalǵan elektromobılder sapasy men ónimdiligi jaǵynan álemdik brendterden joǵary. Al ishten janatyn qozǵaltqyshy bar kólikterge keletin bolsaq, jaǵdaı birshama nashar», - dedi ol.
Edýard Edokov Qytaı kóligi neǵurlym jaqsy bolsa, soǵurlym qymbattaıtynyn aıtty. Naryqtyń zańy sondaı, sapaly ónim arzan bolmaıdy.
«Satyp alýshylar brendtiń tarıhyna, óndiris kólemine, kepildik sharttaryna nazar aýdarýy kerek, eger olarǵa bári unasa qytaılyq kólikterdi satyp alýǵa bolady», - deıdi avtor.
Buǵan deıin buqaralyq aqparat quraldarynyń biri qazaqstandyq naryqta resmı usynylǵan qytaılyq avtokólik brendteriniń sany 2019 jylǵy 1,96%-dan 2022 jylǵy tamyzda 6,55%-ǵa deıin óskenin habarlaýda.
