Qazaqstan mobıldi ınternet jyldamdyǵy boıynsha neshinshi orynda
ASTANA. KAZINFORM — Speedtest Global Index 2025 jyldyń ekinshi jartyjyldyǵynda eń jyldam ınterneti bar elderdiń reıtıngin jarııalady. Mobıldi ınternet jyldamdyǵy boıynsha Qazaqstan 45-orynǵa jaıǵasqan.
Bul ótken reıtıngpen salystyrǵanda 1 orynǵa joǵary. Salystyrmaly túrde Qazaqstan Kanada (46-oryn), Italııa (50), Ispanııa (52), Germanııa (56), Ulybrıtanııa (57), Japonııa (64) syndy damyǵan memleketterdi artqa tastaǵan.
Al qalalar tiziminde Astana men Almaty qatar tur. Mobıldi ınternet jyldamdyǵy boıynsha Astana bes pozıtsııaǵa tómendep, 62-orynǵa tússe, Almaty eki satyǵa sheginip, 63-oryndy ıelengen. Astanadaǵy ortasha júkteý jyldamdyǵy — sekýndyna 132,13 megabıt, al Almatyda — 130,72 megabıt.
Fıksatsııalanǵan keńjolaqty ınternet jyldamdyǵy reıtınginde jaǵdaı nasharlaý. Qazaqstan álemdik reıtıngte 89-shy orynda tur. Desek te, bul oǵan deıingi nátıjeden 1 satyǵa joǵary. Munda ekinshi jarty jyldyqtaǵy ortasha jyldamdyq 82,47 megabıt/s bolǵan.
Al mobıldi ınternet jyldamdyǵy boıynsha úzdik memleketter tómendegideı:
1. Birikken Arab Ámirlikteri — 652,87 Mbıt/s;
2. Qatar — 515,23 Mbıt/s;
3. Kýveıt — 384,40 Mbıt/s.
4. Brazılııa — 251,55 Mbıt/s.
5. Bolgarııa — 237,03 Mbıt/s.
Aıta keteıik, bıyl alǵashqy jartyjyldyqtyń qorytyndysy boıynsha mobıldi ınternet sapasy reıtınginde Qazaqstan 47-oryndy ıelengen. Bul ótken jyldyń nátıjesimen salystyrǵanda 10 satyǵa joǵary.
Buǵan deıin Abaı oblysyndaǵy 10 aýyl jyl sońyna deıin ınternetke qosylatynyn habarlaǵan edik.