Qazaqstan men Vetnam kólik salasyndaǵy ózara áriptestikti damytýǵa ýaǵdalasty

ASTANA. QazAqparat - «Qazaqstan temir joly» UK» AQ basshysy Qanat Alpysbaev Hanoıda   Vetnamnyń kólik mınıstri Chyong Kýang Ngııa men «Vetnam temir joly» MK Bas dırektory Vý Ta Týngpen kezdesip, Qazaqstan men Vetnam arasyndaǵy kólik salasyndaǵy seriktestikti damytý týraly ýaǵdalasty.

«Qazaqstan temir joly» UK» AQ baspasóz qyzmetiniń habarlaýynsha, kezdesýge «QR aýyl sharýashylyǵy ónimderin eksporttaý qaýymdastyǵy» ZTB men «Azyq túlik korporatstsııasy» UK» AQ ókilderi qatysty.

Taraptar ózara halyqaralyq tasymaldaý men logıstıkalyq qyzmetti belsendi júrgizý jaıyn talqylady.

Onyń ishinde Qazaqstan Vetnamnan Qytaı arqyly keletin taýarlardy, jasaqtaý men taratýdyń ortalyǵy bolyp, ónimderdi EAEO, Eýropaǵa shyǵarýdy qarastyra alady. Ony keri qaraı da tasymaldaýǵa múddeli.

Sonymen qatar Vetnamnyń Dýndan shekaralyq ótkelinen Qytaıdyń Pensen - Dostyq  jáne Altynkól (QR) stansalary arqyly Orta Azııa, EAEO, Eýropaǵa shyǵarady.

Atap óterligi, EAEO men VSR arasyndaǵy erkin saýda aımaǵy jónindegi Kelisimge sáıkes, 2020 jyldarǵa deıingi syrtqy taýar aınalymyn 4 mlrd. dollardan 10 mlrd. dollarǵa jetkizý kózdelip otyr.

Qazaqstan tarapy alǵashqy qanatqaqty joba boıynsha qazaqstan-qytaı konteınerlik termınalyn paıdalana otyryp, Lıanıýngan porty arqyly Hoshımınge bıdaı jetkizdi.

Kelissózder nátıjesinde qazaqstandyq aýyl sharýashylyǵy ónimderin Vetnam naryǵyna shyǵaryp, Vetnamnyń tropıkalyq jáne teńiz ónimderin Qazaqstanǵa jetkizý josparlanyp otyr. Taraptar eki el arasyndaǵy aýyl sharýashylyǵy ónimderi tasymalynyń artýyn júk tasymalynyń ósýine yqpalyn tıgizetindigine senimdi.

Kezdesý sońynda «Qazaqstan temir joly» UK» AQ men «Vetnam temir joly» MK arasynda QR-nyń Vetnamdaǵy elshisi B. Jumahanovtyń qatysýymen seriktestik týraly Memorandýmǵa qol qoıyldy.