Qazaqstan men Úndistan ǵarysh salasyndaǵy jobalardy birlesip damytpaq

BEIJІŃ-DELI. QazAqparat - Úndistandaǵy QR Elshiliginiń qoldaý kórsetýimen Bangalor qalasynda (Úndistan) QR Qorǵanys jáne aeroǵarysh ónerkásibi Aeroǵarysh komıtetiniń (Qazǵarysh) tóraǵasy orynbasary m.a. Málik Oljabekovtyń bastaǵan Qazǵarysh delegatsııasynyń kezdesýi ótti, dep habarlaıdy «QazAqparat» HAA Qytaıdaǵy tilshisi.

Jumys sapary aıasynda qazaqstandyq delegatsııa Úndistan ǵaryshtyq zertteýler uıymynyń («ISRO») basshylyǵymen kezdesý ótkizdi. Kelissózder barysynda taraptar 2009 jyly qol qoıylǵan ǵarysh qyzmeti salasyndaǵy yntymaqtastyq boıynsha ózara túsinistik týraly memorandým sheńberinde Qazaqstan men Úndistan arasyndaǵy yntymaqtastyqtyń keleshegin talqylady.

Sonymen qatar, taraptar ózderiniń ǵarysh baǵdarlamalaryn usyndy jáne aeroǵarysh ónerkásibin damytý aıasynda yntymaqtastyqtyń sondaı baǵyttary boıynsha usynystar talqylandy: ǵaryshtyq baılanys júıeleri; zymyran-tasyǵyshtar jáne ǵarysh zymyran keshenderi; Jerdi qashyqtyqtan zondtaý ǵarysh júıeleri; shaǵyn spýtnıkterdi ázirleý; ǵarysh tehnıkasy komponentterin ázirleý.

Sondaı-aq, Bangalor qalasynda qazaqstandyq delegatsııa «ISRO» Spýtnıkterdi ıntegratsııalaý jáne testileý uıymyna jáne «ISRO» Telemetrııa, baqylaý jáne basqarý stantsııalap jelisine bardy jáne qyzmetimen tanysty.