Qazaqstan men Túrikmenstan SІM basshylary telefon arqyly sóılesti

NUR-SULTAN. QazAqparat - Búgin Túrikmen tarapynyń bastamasy boıynsha Qazaqstan Respýblıkasy Premer-Mınıstriniń orynbasary – Qazaqstan Respýblıkasynyń Syrtqy ister mınıstri Muhtar Tileýberdi Túrikmenstannyń Mınıstrler kabıneti tóraǵasynyń orynbasary - Syrtqy ister mınıstri Rashıd Meredovpen telefon arqyly sóılesti, dep habarlaıdy QazAqparat QR SІM resmı saıtyna silteme jasap.

Áńgime barysynda syrtqy saıası vedomstvolardyń basshylary qazaq-túrkimen strategııalyq áriptestigin odan ári nyǵaıtý máselelerin talqylady. Ú.j. 6 tamyzda Túrikmenbashy qalasynda ótken Ortalyq Azııa Memleketteri basshylarynyń Konsýltatıvtik kezdesýi barysynda qol jetkizilgen ýaǵdalastyqtardy iske asyrý boıynsha ózara is-qımylǵa erekshe nazar aýdaryldy.

Taraptar joǵary jáne asa joǵary deńgeıdegi aldaǵy is-sharalar kestesin qarastyrdy.