Qazaqstan men Túrikmenstan arasynda senimdi saıası dıalog qalyptasty - Toqaev
«Sizdiń alǵashqy memlekettik saparyńyz Qazaqstan men Túrkimenstan arasyndaǵy dıplomatııalyq qatynastardyń 30 jyldyǵy - mereıtoılyq kezeńmen tuspa-tus keldi. Tatý kórshiliktiń ǵasyrlar boıǵy dostyǵyna, birtutas mádenı jáne tarıhı qundylyqtarǵa súıene otyryp, Qazaqstan men Túrkimenstan osy jyldar ishinde memleketaralyq áriptestiktiń úlgisi bolyp tabylatyn berik jáne úılesimdi qarym-qatynas ornatty. Elderimiz arasynda joǵary deńgeıde belsendi jáne óte senimdi saıası dıalog jolǵa qoıylǵan», - dedi Qasym-Jomart Toqaev.
Qazaqstan Prezıdenti ótken jyldyń qazanynda Ashhabatqa jasaǵan saparyn jylylyqpen eske alyp, qonaqjaılyq tanytqany úshin rızashylyǵyn bildirdi. Sonymen qatar Memleket basshysy Túrikmenstannyń burynǵy Prezıdenti Gýrbangýly Berdimuhamedov sálemin joldady.
«Sol sapar barysynda Túrikmenstannyń qurmetti prezıdenti, Sizdiń ákeńiz Gýrbangýly Mıalıkgýlymen jemisti kelissóz júrgizgenimizdi atap ótkim keledi. Baspasózdiń múmkindigi men qatysýyn paıdalana otyryp, qurmetti Gýrbangýly Mıalıkgýlyulyna sálemim men izgi tilekterimdi jetkizgim keledi», - dedi Prezıdenti.
Foto: t.me/bort_01
