Qazaqstan men Shvetsııa SІM basshylary halyqaralyq alańdardaǵy ózara is-qımyl baǵyttaryn belgiledi

NUR-SULTAN. QazAqparat tan – Shved tarapynyń bastamasy boıynsha Qazaqstan Premer-Mınıstriniń orynbasary – Syrtqy ister mınıstri Muhtar Tileýberdi Shvetsııa Syrtqy ister mınıstri Ann Lınde telefon arqyly sóılesti, dep habarlaıdy QazAqparat QR SІM resmı saıtyna silteme jasap.

Dıplomattar ózekti halyqaralyq problemalar men Ýkraınadaǵy ahýal jóninde pikir almasty. M.Tileýberdi Eýropalyq odaqtyń RF-qa qarsy sanktsııalarynyń Qazaqstan ekonomıkasyna teris áserin boldyrmaý jónindegi QR Úkimetiniń kúsh-jigerin atap ótti.

Sonymen qatar taraptar Uıymnyń búgingi aldynda turǵan syn-tegeýrinderdi, sondaı-aq Helsınkı Qorytyndy aktisiniń, Astana deklaratsııasynyń jáne uıymnyń basqa da negizgi qujattarynyń qaǵıdattaryna sáıkes EQYU-dy yqtımal reformalaý jáne «qaıta júkteý» joldaryn talqylady.

M.Tileýberdi QR Prezıdentiniń saıası júıeni demokratııalandyrýǵa jáne «Jańa Qazaqstandy» qurýǵa baǵyttalǵan reformalarymen tanystyrdy.

Suhbat sońynda mınıstrler ekijaqty yntymaqtastyqtyń birqatar máselelerin talqylady jáne Stokgolm bastamasyn birlesip ilgeriletýdi qosa alǵanda, halyqaralyq alańdardaǵy odan ári ózara is-qımyldyń basym baǵyttaryn belgiledi.