21:00, 17 Qarasha 2023 | GMT +6
Qazaqstan men San-Marıno oıyny bastaldy
Fýtboldan 2024 jylǵy Eýropa chempıonatynyń irikteý kezeńi aıasyndaǵy Qazaqstan – San-Marıno oıyny bastaldy. Kezdesýdi tamashalaýǵa kelgen jankúıerler arasynda Prezıdent Qasym-Jomart Toqaev ta bar, dep habarlaıdy Kazinform.
Osy oıyn aldynda Qazaqstan quramasynyń qorjynynda 15 upaı bolǵanyn aıta ketý kerek.
Bas bapker Magomed Adıevtiń shákirtteri 8 oıynnyń beseýinde jeńse, úsh oıynda jeńilgen bolatyn.
Sonyń qorytyndysynda jınaǵan 15 upaımen úshinshi orynda tur.
Al top basynda ázirge Slovenııa quramasy. Olardyń qorjynynda 19 upaı bar.
Ekinshi orynda turǵan Danııa quramasynyń upaı sany da 19.
Osynyń aldyndaǵy oıynda Qazaqstan fýtbolshylary Fınlıandııa qurama komandasyn 2:1 esebimen jeńgen edi.
