Qazaqstan men Reseı birlesip, zymyran shyǵarýdy josparlap otyr

ASTANA. QazAqparat - Qazaqstan men Reseı orta deńgeıdegi zymyrandardy birlesip, daıyndaýdy qolǵa almaq, dep habarlaıdy TASS RF vıtse-premeri Dmıtrıı Rogozınge silteme jasap.

Rogozınniń habarlaýynsha, ǵarysh salasyn damytý máselesine arnalǵan májilis qorytyndysy boıynsha, arnaıy jospar maquldanyp, Baıqońyrdy odan ári de Reseı men Qazaqstannyń múddesi úshin paıdalaný jónindegi bul jospar jaqyn kúnderde Qazaqstanda talqylanbaq.

«Báıterek» jobasynyń aıasynda Qazaqstannyń qarjylaı qatysýymen ushyrý qurylǵysyn qaıta jóndeýden ótkizý jóninde joba daıyndaý qajet bolyp otyr. Biz qazir naryqtaǵy óz úlesimizdi joǵaltyp almaý úshin kommertsııalyq qyzmet naryǵynda AQSh-tyń sońǵy úlgidegi quraldarymen básekege túse alatyn orta deńgeıdegi zymyrandy daıyndaýdy jedeldetip qolǵa alýdy josparlap otyrmyz»,-dep túsindirdi ol.

RF úkimeti tóraǵasy orynbasarynyń sózinshe, ol 17 tonna salmaq kóteretin bolady. Buǵan qosa, «Baıqońyrda» daıyndalǵan «Zenıt» zymyrany úshin ushý qurylǵysyn paıdalaný josparlanyp otyr.