Qazaqstan men Ózbekstannyń Qarýly Kúshteri taýdaǵy daıarlyqtaryn pysyqtady

NUR-SULTAN. QazAqparat - Ózbekstan aýmaǵynda Qazaqstan jáne Ózbekstannyń Qarýly Kúshteri taý daıarlyǵy bólimsheleriniń birlesken jattyǵýy ótti, dep habarlaıdy QazAqparat.

Jattyǵýǵa Qazaqstan armııasy atynan QR QM Armııa ortalyq sport klýby Taý daıarlyǵy ortalyǵynyń áskerı qyzmetshileri qatysty.

Eki eldiń bólimsheleri «Forısh» polıgonynda birlese otyryp taýǵa shyǵý daıyndyǵyn uıymdastyrýdyń teorııalyq máselelerin, taýdyń bıiktiktin, arnaıy jáne oq atý jattyǵýlaryn uıymdastyrý ádisterin, joryqqa jáne shyńǵa shyǵý máselelerin pysyqtady.

«Sondaı-aq, taýly aımaqta qıyndyq týǵyzatyn alǵashqy medıtsınalyq kómek kórsetý jáne jaralylardy tasymaldaý máselelerine erekshe nazar aýdaryldy. Eki eldiń áskerı qyzmetshilerinde birlesken jumystar júrgizýden tájirıbeleri mol. Ótken jyldyń jeltoqsan aıynda taý daıarlyǵy bólimsheleri jattyǵýdy dál osy Ózbekstannyń taýly polıgonynda ótkizgen bolatyn», - dedi vedomstvodan.