Qazaqstan men Ózbekstan ókilderi shekarany demarkatsııalaý jónindegi qujattardyń jobasyn bekitti

NUR-SULTAN. QazAqparat - 2022 jylǵy 21 aqpan – 4 naýryz aralyǵynda Almaty qalasynda Qazaqstan-Ózbekstan birlesken demarkatsııalyq komıssııasyndaǵy Qazaqstan Respýblıkasy men Ózbekstan Respýblıkasy úkimettik delegatsııalarynyń 93-shi otyrysy ótti.

Taraptar Qazaqstan-Ózbekstan memlekettik shekarasyn demarkatsııalaýdyń qorytyndy qujattarynyń jobalaryn kelisýdi jáne bekitýdi jalǵastyrdy, dep habarlaıdy QazAqparat QR Syrtqy ister mınıstrliginiń baspasóz qyzmetine silteme jasap.

Komıssııanyń kelesi otyrysy 2022 jylǵy 14-18 naýryzda Ózbekstan Respýblıkasynyń aýmaǵynda josparlanǵan.