Qazaqstan men Ózbekstan astyq logıstıkasyn birlesip rettemek
ASTANA. KAZINFORM — Qazaqstan Respýblıkasy Kólik mınıstrliginde Ortalyq Azııa baǵytynda astyq júkterin tasymaldaý máseleleri qaraldy.
Kólik mınıstrliginde «Samuryq-Qazyna» Ulttyq ál-aýqat qorynyń jáne «QTJ» UK» AQ ókilderiniń qatysýymen Ortalyq Azııa elderine astyq júkterin tasymaldaý máseleleri boıynsha jedel keńes ótkizildi.
— Osy jyldyń 11 aıynyń qorytyndysy boıynsha Ortalyq Azııa memleketterine jóneltilgen astyq kólemi 5,6 mln tonna bolyp, 2024 jyldyń sáıkes kezeńimen salystyrǵanda 32%-ǵa artty.
Tek qarasha aıynda ǵana eksportqa 1,2 mln tonnadan astam astyq jóneltildi, onyń shamamen 0,7 mln tonnasy Ortalyq Azııa elderi baǵytyna tıesili.
Atalǵan baǵyttaǵy ótkizý kóleminiń artýy Ózbekstan Respýblıkasyndaǵy qabyldaý termınaldarynyń shamadan tys júktelýine alyp kelgeni atap ótildi. Bul óz kezeginde eki eldiń kólik ákimshilikteri arasynda jedel jáne kelisilgen sharalar qabyldaýdy talap etedi, — delingen mınıstrlik habarlamasynda.
Ózbekstan tarapyndaǵy ótkizý jáne óńdeý múmkindikterin eskere otyryp, astyq eksportyn uıymdastyrýǵa qatysty naqtylanǵan sheshimderdi ázirleý maqsatynda Ózbekstan temirjoldarymen kelisim boıynsha 8–9 jeltoqsanda Saryaǵash jáne Tashkent qalalarynda birlesken keńes ótkizý týraly sheshim qabyldandy.
Aıta ketelik elden 3,1 mln tonna astyq eksporttalǵan edi.