Qazaqstan men Nıderland balama áýe dálizderin ashýdy kózdep otyr

NUR-SULTAN. QazAqparat - Qazaqstannyń Nıderlandtaǵy Elshisi Asqar Jumaǵalıev «KLM» áýe kompanııasynyń halyqaralyq ister jáne korporatıvtik quqyq jónindegi vıtse-prezıdenti Frenk Prılevıtzben kezdesti, dep habarlaıdy QazAqparat.

QR Syrtqy ister mınıstrligi baspasóz qyzmetiniń habarlaýynsha, elshi elder arasyndaǵy ózara is-qımyl, onyń ishinde ekonomıkalyq áriptestik jáne Koroldiktiń otandyq ekonomıkadaǵy iri ınvestorlar reıtıngindegi kóshbasshylyǵy aıtarlyqtaı joǵary deńgeıde ekeni týraly aıtyp berdi.

Taraptar shekteý sharalarynyń meılinshe alynyp tastalýy álemdegi ózara saparlar aǵyny qalpyna keletinine senimdilik beretinin atap ótti. Osyǵan oraı, qazaqstandyq dıplomat suhbattas nazaryn elimizdiń týrıstik tartymdylyǵyna aýdardy.

Óz kezeginde kezdesýge qatysqan «KLM» jelisiniń dırektory S. van Straten kompanııa baǵyttar men reıster sany boıynsha pandemııadan burynǵy deńgeıge shyǵýdy josparlap otyrǵanyn habarlady.

Taraptar Qazaqstan men Nıderland arasyndaǵy tikeleı áýe qatynasyn qalpyna keltirý múmkindikterin, sondaı-aq geosaıası turaqsyzdyq jaǵdaıynda balama áýe dálizderin ashý máselelerine arnaıy kóńil bóldi.

Kelissózder qorytyndysy boıynsha «KLM» reısteriniń Qazaqstan baǵytyna júzege asýy jónindegi konsýltatsııalardy jalǵastyrý týraly ýaǵdalastyqqa qol jetkizildi.