Qazaqstan men Nepal týrızm salasyndaǵy yntymaqtastyqty nyǵaıtpaq

BEIJІŃ-DELI. QazAqparat - Nepal astanasy Katmandý qalasynda «Qazaqstan-Nepal: saýda jáne ınvestıtsııalar salasyndaǵy yntymaqtastyq» taqyrybynda dóńgelek ústel ótti, dep habarlaıdy Qytaıdaǵy «QazAqparat» HAA menshikti tilshisi. 

Іs-sharany Úndistandaǵy QR Elshiligi Azııa dıplomatııa jáne halyqaralyq qatynastar ınstıtýtymen (ADHQI) birlesip, Úndistandaǵy Qazaqstan Elshisi Bolat Sársenbaevtyń Nepalǵa sapary aıasynda  uıymdastyrǵan. Oǵan ADHQI negizin qalaýshy K.Sýnıl, Nepaldyń burynǵy bilim mınıstri, Parlament depýtaty Ch.ıAdav, Nepal saýda palatalarynyń prezıdenti R.Shrestha, Nepaldyń memlekettik organdary, iri bıznes qurylymdary men BAQ ókilderi qatysty.

Dóńgelek ústel barysynda Qazaqstan men Nepal arasyndaǵy qolaıly iskerlik ahýaldy qalyptastyrý jáne eki el arasyndaǵy týrızm deńgeıin arttyrý boıynsha yntymaqtastyqtyń negizgi áleýetti baǵyttary týraly aqparat berildi.

Sharaǵa qatysýshylar Qazaqstan astanasy  Astananyń 20 jyldyǵyn merekelý boıynsha josparlanǵan is-sharalar týraly habardar boldy. Atap aıtqanda, aýdıtorııa 2-3 shilde kúnderi Astanada ótetin «G-Glodal Silk Road 2018» halyqaralyq konferentsııasyna, sondaı-aq Astana halyqaralyq qarjy ortalyǵynyń resmı ashylý rásimine qyzyǵýshylyq tanytty.

Elshi B.Sársenbaev Katmandý qalasy meriniń orynbasary K.Harıbrabha jáne Lalıtpýra qalasynyń meri Ch.Mahardjanmen kelissózder júrgizip, «G-Glodal Silk Road 2018» konferentsııasyna qatysýǵa shaqyrdy.

Sondaı-aq, qazaqstandyq dıplomat Nepaldyń qarjy mınıstri R.Khatıvadamen kezdesip, bıyl 5 shildede ótetin Astana halyqaralyq qarjy ortalyǵynyń ashylý saltanatyna shaqyrý berdi.