Qazaqstan men Majarstan arasynda sheshimin tappaǵan másele joq – Muhtar Tileýberdi
«Majarstan Premer-mınıstriniń orynbasary, Qarjy mınıstri Mıhaı Varganyń Qazaqstanǵa keshe bastalǵan sapary búgin jemisti jalǵasýda.
Búgin biz memleketaralyq ózara is-qımyldyń turaqty jumys isteıtin ınstıtýty bolyp tabylatyn Qazaqstan – Majarstan Strategııalyq keńesiniń Besinshi otyrysyn ótkizdik.Majarstan Ortalyq jáne Shyǵys Eýropa óńirindegi bizdiń birden-bir senimdi strategııalyq áriptesimiz, dostas ári tarıhy tamyrlas memleket. Búgingi tańda eki memleket arasynda sheshimin tappaǵan eshqandaı másele joq», - dedi M. Tileýberdi QR Syrtqy ister mınıstrliginde ótken kezdesýde.
Mınıstr qos memleket arasyndaǵy saıası dıalog joǵary deńgeıde ekenin atap ótti.
Qazaqstan men Majarstan bir-biriniń halyqaralyq arenadaǵy bastamalary men kúsh-jigerin qoldap keledi.
«Bul óz kezeginde ekijaqty jáne kópjaqty ózara is-qımyldy odan ári damytýǵa qolaıly jaǵdaı týdyrady. M. Varga myrzamen Qazaqstan men Majarstan arasyndaǵy saıası, saýda-ekonomıkalyq, ınvestıtsııalyq jáne mádenı-gýmanıtarlyq salalardaǵy ózara is-qımyldyń búgingi ahýaly men odan ári damýynyń perspektıvalaryn talqyladyq. Biz ózara tıimdi yntymaqtastyqty, eń aldymen ekonomıkalyq jáne ınvestıtsııalyq ózara is-qımyldy tereńdetý jáne ekijaqty saýdany ulǵaıtý arqyly ony odan ári nyǵaıtýdyń mańyzdylyǵyn atap óttik. Aýyl sharýashylyǵy, energetıka, «jasyl ekonomıka», densaýlyq saqtaý, bilim jáne mádenıet salalaryndaǵy yntymaqtastyqqa erekshe nazar aýdaryldy», - dedi Muhtar Tileýberdi.
