Qazaqstan men Qytaı vıza rejımin jeńildetip, áýe reısteriniń sanyn arttyrmaq
Bul máscheleler Qazaqstannyń Qytaıdaǵy Elshisi Shahrat Nuryshevtyń QHR Cyrtqy ister mınıstriniń orynbasary (Mınıstr deńgeıinde) Ma Chjaosıýımen kezdesýinde aıtyldy, dep habarlaıdy QazAqparat QR Syrtqy ister mınıstrliginiń baspasóz qyzmetine silteme jasap.
Kezdesý barysynda taraptar túrli salalardaǵy Qazaqstan-Qytaı yntymaqtastyǵynyń tolyq aýqymdy ózekti máselelerin talqylady, sondaı-aq ony odan ári damytý perspektıvalary týraly pikir almasty.
Suhbat barysynda bıylǵa josparlanǵan joǵary jáne joǵarǵy deńgeıdegi ekijaqty saparlar men is-sharalar kestesine, sondaı-aq kópjaqty qurylymdar sheńberindegi eki eldiń ózara yqpaldasýyna basty nazar aýdaryldy.
Sh. Nuryshev qytaı tarapyna Qazaqstan-Qytaı qatynastaryna qosymsha «serpin» berý jáne shart-quqyqtyq bazany jetildirý maqsatynda QR jáne QHR memlekettik organdarynyń qaraýynda jatqan ekijaqty qujattardyń jobalaryn kelistirýdi belsendetýdi usyndy.
Sonymen birge, Qazaqstan Elshisi saýda-ekonomıkalyq baılanystardy arttyrý, Qazaqstan-Qytaı shekarasyndaǵy ótkizý beketterinde ózara árekettesý jáne tyǵyz yqpaldasýdy nyǵaıtý, jolaýshylar áýereısteriniń sanyn «pandemııaǵa deıingi» deńgeıge deıin qalpyna keltirý jáne qazaqstandyqtar úshin QHR vıza rejımin jeńildetý máseleleri boıynsha birlesken kúsh-jigerge erekshe nazar aýdardy.
Óz tarapynan, Ma Chjaosıýı kóterilgen máselelerdiń mańyzdylyǵyn aıtyp, qytaı tarapynyń atalǵan máseleler boıynsha belsendi ózara yqpaldasýǵa daıyn ekenin bildirdi. Sondaı-aq, ol Qytaıdyń syrtqy saıası mekemesi bıyl josparlanǵan is-sharalardy oıdaǵydaı uıymdastyrý maqsatynda QR-dyń QHR-daǵy Elshiligimen tyǵyz árekettesýge ázir ekenin habarlady.
«Kezdesýdiń sońynda suhbattastar ekijaqty yntymaqtastyqtyń aǵymdaǵy jáne ózekti máseleleri boıynsha turaqty baılanystardy saqtaýǵa ýaǵdalasty»,-delingen habarlamada.
