Qazaqstan men Koreıa strategııalyq seriktestik qarym-qatynasty odan ári tereńdetýge ýaǵdalasty

SEÝL. QazAqparat - Qazaqstan Prezıdenti Nursultan Nazarbaevtyń Ońtústik Koreıaǵa memlekettik sapary aıasynda joǵary deńgeıdegi kezdesýden keıin birqatar ekijaqty qujattar rásimdeldi, dep habarlaıdy QazAqparattyń arnaýly tilshisi Seýlden.

Atap aıtqanda, Memleket basshysy Nursultan Nazarbaev pen Koreıa Prezıdenti Pak Kyn He Strategııalyq seriktestik qarym-qatynasty odan ári tereńdetý týraly Qazaqstan Respýblıkasy men Koreıa Respýblıkasynyń birlesken deklaratsııasyna  qol qoıdy.

Munan bólek, Qazaqstan Respýblıkasy Investıtsııalar jáne damý mınıstri Jeńis Qasymbek pen  Koreıanyń Saýda, ındýstrııa jáne energetıka mınıstri Chjý Chen Hvan QR Investıtsııalar jáne mınıstrligi men KR  Saýda, ındýstrııa jáne energetıka mınıstrligi arasyndaǵy birlesken is-qımyl josparyn, Qazaqstan Respýblıkasy Investıtsııalar jáne damý mınıstri Jeńis Qasymbek pen Koreıa Respýblıkasy Kólik, jer jáne ınfraqurylymdar mınıstri Kan Ho In QR Investıtsııalar jáne damý mınıstrligi men KR Kólik, jer jáne ınfraqurylymdar mınıstrligi arasynda kólik salasyndaǵy ınvestıtsııalyq jáne ınnovatsııalyq jobalardy qoldaý týraly memorandýmdy rásimdedi.