Qazaqstan men Brazılııa SІM basshylary Rıo-de-Janeıroda kezdesý ótkizdi

ASTANA. KAZINFORM — BRIKS múshe jáne seriktes memleketter basshylarynyń sammıtine qatysý maqsatynda Rıo-de-Janeıro qalasyna kelgen Qazaqstan Respýblıkasy Premer-mınıstriniń orynbasary — Syrtqy ister mınıstri Murat Nurtileý Brazılııa Syrtqy ister mınıstri Maýro Vıeıramen kezdesý ótkizdi. 

Taraptar saıası, saýda-ekonomıkalyq, ınvestıtsııalyq, energetıkalyq jáne mádenı-gýmanıtarlyq salalardaǵy ekijaqty ózara is-qımyldyń ózekti máselelerin talqylap, halyqaralyq uıymdar aıasyndaǵy yqpaldastyqtyń keleshegi jóninde pikir almasty.

M.Nurtileý Qazaqstannyń Latyn Amerıkasyndaǵy senimdi seriktesi ári mańyzdy dosy retinde Brazılııaǵa aıryqsha mán beretinin atap ótti.

— Bıyl elderimiz arasyndaǵy dıplomatııalyq qatynastardyń ornaǵanyna 32 jyl tolyp otyr. Bul baılanystar turaqty saıası dıalogpen, ekonomıkalyq qarym-qatynastyń keńeıýimen jáne halyqaralyq arenadaǵy tyǵyz is-qımylmen erekshelenedi, — dedi ol.

Suhbattastar ekijaqty qatynastardy nyǵaıtýdyń tıimdi tetigi retinde turaqty dıalogty saqtaýdyń jáne saparlardy joǵary deńgeıde jandandyrýdyń mańyzdylyǵyn rastady. Osy rette Qazaqstan SІM basshysy brazılııalyq áriptesin Astanaǵa saparmen kelýge shaqyrdy.

Saýda-ekonomıkalyq baılanystardy ilgeriletý negizgi nazarda boldy. Geografııalyq alshaqtyqqa qaramastan, Brazılııa Qazaqstannyń Ońtústik Amerıkadaǵy basty seriktesi retinde sanalady. 2024 jyly ózara taýar aınalymy 257 mln AQSh dollarynan asty, al 2025 jyldyń alǵashqy toqsanynda bul kórsetkish 88%-ǵa ósip, 104,2 mln AQSh dollaryna deıin jetti.

Mınıstrler negizgi salalardaǵy birlesken bastamalardy keńeıtýge nıetterin rastady.

— Biz aýyl sharýashylyǵy, óndiris, kólik jáne logıstıka baǵyttary boıynsha ózara yqpaldastyqty tereńdetýge múddelimiz. Ortaq is úshin naqty múmkindikterdi anyqtaý asa mańyzdy, — dedi M.Vıeıra.

Qazaq tarapy óz kezeginde taý-ken ónerkásibi, atom energetıkasy, avıatsııa, tyńaıtqyshtar óndirisi syndy baǵyttarda birlese jumys isteýdi usyndy.

Sonymen qatar mınıstrler jańartylatyn energııa kózderi, tsıfrlyq tehnologııalar jáne ınnovatsııalyq sheshimder salalarynda tájirıbe men tehnologııa almasýǵa qyzyǵýshylyq tanytty.

Halyqaralyq kún tártibindegi máselelerdi talqylaý barysynda Astana men Brazılıa ustanymdarynyń jaqyndyǵy jáne BUU men ózge de kópjaqty qurylymdar aıasyndaǵy turaqty ózara qoldaý atalyp ótti.

Kezdesý qorytyndysy boıynsha syrtqy saıası vedomstvolarynyń basshylary ózara baılanystardy odan ári nyǵaıtýǵa jáne BRIKS pen basqa da halyqaralyq alańdar sheńberindegi is-qımyldy keńeıtýge nıetti ekenin rastady. 

Sonymen qatar mınıstrler jańartylatyn energııa kózderi, tsıfrlyq tehnologııalar jáne ınnovatsııalyq sheshimder salalarynda tájirıbe men tehnologııa almasýǵa qyzyǵýshylyq tanytty.

Halyqaralyq kún tártibindegi máselelerdi talqylaý barysynda Astana men Brazılıa ustanymdarynyń jaqyndyǵy jáne BUU men ózge de kópjaqty qurylymdar aıasyndaǵy turaqty ózara qoldaý atalyp ótti.

Kezdesý qorytyndysy boıynsha syrtqy saıası vedomstvolarynyń basshylary ózara baılanystardy odan ári nyǵaıtýǵa jáne BRIKS pen basqa da halyqaralyq alańdar sheńberindegi is-qımyldy keńeıtýge nıetti ekenin rastady.

Aıta ketelik Brazılııa BRIKS sammıtine belsendi daıyndalyp jatqany týraly jazǵan edik.