Qazaqstan maı-tońmaı ónimderin Qytaıǵa jetkizý kólemin arttyrdy
ASTANA. KAZINFORM – Otandyq óndirýshiler Qytaı Halyq Respýblıkasyna maı-tońmaı ónimderin jetkizý kólemin aıtarlyqtaı arttyrdy. Bul týraly Aýyl sharýashylyǵy mınıstrliginiń baspasóz qyzmeti habarlady.
Máselen, byltyr Qazaqstan Qytaıǵa kúnbaǵys maıyn jetkizý boıynsha 36% úlespen ekinshi orynǵa shyqty. Bul týraly Shanhaı qalasynda ótken «Chinese Grains & Oils Congress 2026» halyqaralyq konferentsııasynda «Maıly daqyldardy qaıta óńdeýshiler ulttyq qaýymdastyǵy» basqarma tóraǵasy ıAdykar Ibragımov málimdedi.
Qaýymdastyqtyń derekteri boıynsha 2025 jyly Qazaqstannyń maı-tońmaı ónimderiniń Qytaıǵa eksporty 44%-ǵa ósip, 440 myń tonnaǵa jetti. Al eksporttan túsken tabys 37%-ǵa artyp, 312 mln AQSh dollaryn qurady.
ıAdykar Ibragımov atap ótkendeı, eksporttyń artýyna logıstıkalyq úderisterdiń tıimdiligin arttyrý da yqpal etken. Qaýymdastyq pen «Qazaqstan temir joly» ulttyq kompanııasy 2024 jyldyń basynan Dostyq–Alashankoý shekaralyq ótkeli arqyly ósimdik maıyn qaıta tıeý boıynsha pılottyq jobany iske qosty. Osy kezeńnen beri Qytaı baǵyty boıynsha jóneltý josparynyń oryndalý deńgeıi 90%-dan asty. Al 2023 jyly bul kórsetkish 40% ǵana edi.
Bıylǵy jyldyń naýryz aıynda Maıly daqyldardy qaıta óńdeýshilerdiń ulttyq qaýymdastyǵy men «Qazaqstan temir joly» Qytaı baǵytyna kúnbaǵys shrotyn astyq tasymaldaıtyn vagondarmen eksporttaý josparyn kelisý boıynsha pılottyq rejımde jańa jobany iske qosty. Bul tetik burynnan tekserilgen ósimdik maıyn jóneltý júıesiniń negizinde júzege asyrylyp jatyr.
Budan buryn Kókshetaýda maıly daqyldardy tereń óńdeý kesheni salynyp jatqanyn jazǵanbyz.