Qazaqstan makarondy kóp jeıtin elderdiń qatarynda kósh bastap tur

ASTANA. QazAqparat – Bıyl Qazaqstanda 39,3 myń tonna makaron ónimderi shyǵaryldy. Jan basyna shaqqanda qazaqstandyqtar 17-18 keli makaron ónimderin tutynady. Aıta ketsek, atalǵan ónim qymbattaǵan, dep habarlaıdy QazAqparat Finprom.kz resýrsyna silteme jasap.

Kespe jáne makaron ónimderi - qazaqstandyqtardyń ratsıonyndaǵy mańyzdy elementterdiń biri. Ásirese, atalǵan ónim ulttyq taǵamdarmen tyǵyz baılanysty.

Qazaqstanda bıyl birinshi toqsanda makaron túrleri óndirisi 39,3 myń tonnany qurady, kórsetkish ótken jylmen birdeı (- 0,8%).

Makaron ónimderi negizinen Qostanaı oblysy, SQO, BQO jáne Astana, Shymkent qalasynda shyǵarylady. Elimizdegi makaron ónimderiniń 77% atalǵan óńirlerge tıesili.

Ónimniń 33%-ǵa jýyǵy jumyrtqa negizinde daıyndalady. Bıyl úsh aıda 12,8 myń tonna jumyrtqa qosylǵan makaron ónimderi shyǵaryldy.

Onyń ishinde 11,7 myń tonnasy - túrli makaron jáne 1 myń tonnadan astamy - kespe.

Ótken jyly makaron óndirisi 166,1 myń tonnany qurady, bul 2021 jylǵa qaraǵanda 4%-ǵa joǵary.

Rekordtyq óndiris 2020 jyly tirkeldi, ıaǵnı 178,9 myń tonna.

Elimizde makaron ónimderiniń tanymal jáne suranysqa ıe ekenin eskersek, atalǵan sektor asa mańyzdy. Sondyqtan óndiristiń ulǵaıýyn oń kórsetkish deýge bolady.

Ulttyq statıstıka bıýrosynyń málimeti boıynsha, 2021 jyly makaron ónimderin (vermıshel, spagettı, makaron jáne rojkı) tutynýdy jan basyna shaqqanda 18 kelini qurady. Bul Týnıs elimen salystyrǵanda bir ese, al AQSh-tan eki ese kóp.

Ótken jyly tutyný jan basyna shaqqanda 17,3 kelige deıin azdap tómendedi. Soǵan qaramastan basqa eldermen salystyrǵanda óte joǵary kórsetkish. Alýan túrli ulttyq taǵamdardy eskersek, bul tańqalarlyq emes.

Bıyl úsh aıdyń qorytyndysy boıynsha elimizde makaron ónimderi 35,1%-ǵa qymbattady. Onyń ishinde kespe 36,2%-ǵa, vermıshel 35%-ǵa jáne rojkı baǵasy 33,2%-ǵa ósken.

Osy tusta shaǵyn jáne orta bıznespen pen tamaq ónerkásibindegi óndiristi damytýǵa baǵyttalǵan memlekettik baǵdarlamalar strategııalyq mańyzǵa ıe.