Qazaqstan Qytaımen saýda-sattyqtyń jańa formatyn engizedi
«Qytaı pandemııa ýaqytynda Qazaqstan úshin eksporttyq qyzyǵýshylyq týdyrǵan eń iri naryqtardyń birine aınaldy. Kóptegen sheteldik kompanııa ol jaqtan ketti jáne qytaı naryǵy Qazaqstan úshin óte tartymdy. Birinshi – bul aýyl sharýashylyǵy. ıAǵnı, bizdiń negizgi qyzyǵýshylyǵymyz – qytaı satyp alýshylarynyń qajettiligin qanaǵattandyrý. Qytaı et óńdeýshileri qaýymdastyǵymen kezdestim. Osy kezdesýde bir qyzyq aparat boldy. Eger, árbir qytaılyq kúndelikti taǵam mólsherinde et tutynýdy 50 grammǵa arttyrsa, onda Qytaıdyń 1 jyldaǵy et ımporty 25 mln tonnaǵa artady», - dedi vıtse-mınıstr Ortalyq kommýnıkatsııalar qyzmetindegi baspasóz máslıhatynda BAQ ókilderiniń saýalyna oraı.
Onyń atap ótýinshe, Qytaı aýmaǵynda óńdeýshi kásiporyndar qurylysymen aınalysatyn kompanııamen kelisimshart jasalǵan.
«Olar bizge Qazaqstanda aımaq qurýdy, oǵan Qytaıda tutynylatyn túrli ónimderdi óndirýshilerdi ornalastyrýdy, eksport aldyndaǵy tekserý júrgizýdi usynady. Zerthanalar, tehnıkalyq retteý, barlyq lıtsenzııalar sol jerde bolady. ıAǵnı, Qazaqstan aýmaǵynda mashına ne konteıner mórlenip, Qytaı aýmaǵyndaǵy satyp alýshylarǵa toqtaýsyz tekiziledi. Bul saýda-sattyqtyń jańa formaty. Biz ony Qytaımen tájirıbeden ótkizemiz. Olarda álemniń ózge birde-bir elimmen mundaı joq. Biz soǵan qol jetkize aldyq. Muny Qazaqstan Úkimeti tarapynan ilgerileýshilik der edim», - dedi Qaırat Tórebaev.
