Qazaqstan-Qytaı birinshi bıznes-forýmynda qandaı máseleler kóterildi
QR Saýda jáne ıntegratsııa mınıstrligi baspasóz qyzmetiniń habarlaýynsha, Qazaqstan-Qytaı saýdaǵa járdemdesý qaýymdastyǵy men Shenzhen Cross Supply Service Association birlesip uıymdastyrǵan is-shara Qazaqstannyń ınvestıtsııalyq múmkindikterimen tanysý úshin áleýeti mol qytaılyq ınvestorlardy jınady.
Forýmnyń ashylýynda QR Premer-Mınıstrdiń orynbasary – saýda jáne ıntegratsııa mınıstri Serik Jumanǵarın eki el halyqtary arasynda qalyptasqan tyǵyz baılanystardy atap ótti.
«Eki el óz mádenıetimen, ekonomıkasymen burynnan kele jatqan dostyq jáne seriktestik qatynastarmen ózara tyǵyz baılanysty. Memleket basshylary jan-jaqty yntymaqtastyqty odan ári damytýǵa erekshe nazar aýdarady. Jaqyn arada vızasyz rejımdi ashýdy pysyqtap jatyrmyz. Bul mádenı-gýmanıtarlyq jáne ekonomıkalyq qatynastardyń damýyn kúsheıtýge aıtarlyqtaı serpin beretini sózsiz»-dedi S.Jumanǵarın.
Vıtse-premer Qazaqstanǵa keletin ınvestıtsııalardyń negizgi úsh baǵytyn aıqyndady. Birinshisi - ınfraqurylymdy, júkteý-túsirý ortalyqtaryn, qoldanystaǵy jáne jańa baǵyttardy ashýdy, damytýdy qamtıtyn logıstıka baǵyty. Osy baǵyt iri kólik operatorlary úshin erekshe qyzyǵýshylyq týdyrady.
«Búginde shekara mańynda saýda-ekonomıkalyq habtar, logıstıkalyq ortalyqtar jelisi qurylýda, olar keńeıtý áleýetin arttyra otyra EAEO jáne Ortalyq Azııa elderiniń negizi bolmaq. Qazaqstannyń ár oblysynda belgili bir óńirdiń ereksheligi eskerile otyra arnaıy ekonomıkalyq jáne ındýstrııalyq aımaqtar bar. Olarǵa salyqtyq preferentsııalar pýly usynylyp, arnaıy quqyqtyq rejım qoldanylady, - dep atap ótti Serik Jumanǵarın.
- Salyqtar men bajdardy tóleýden bosatý túrindegi ınvestıtsııalyq preferentsııalarmen qosa, jaqynda ınvestorlarǵa bastapqy kezeńde júktemeni azaıtýǵa baǵyttalǵan ınvestıtsııalyq salyq kredıti engizildi. ıAǵnı ınvestorlarǵa korporatıvtik tabys salyǵy jáne (nemese) múlik salyǵy aıasynda tólemderdi úsh jylǵa deıingi merzimge 100%-ǵa tómendetý múmkindigi beriledi».
Búgingi tańda Qytaı shekarasynda kedergisiz saýdany damytý úshin «Qorǵas – Shyǵys qaqpasy» AEA qalyptastyrý tolyǵymen aıaqtaldy. AEA ınfraqurylymyna ındýstrııalyq jáne logıstıkalyq aımaqtarmen qatar 2015 jyly eldiń shyǵysynda júkterdi shoǵyrlandyrý jáne taratý úshin iske qosylǵan qurǵaq port kiredi. 2014 jyly Lıanıýngan portynda qytaılyq seriktestermen birlesken logıstıkalyq termınal quryldy, ol búginde Qazaqstanǵa/Qazaqstannan júk aǵyndaryn shoǵyrlandyrýdyń negizgi pýnkti bolyp keledi. Qytaımen shekaradaǵy «Jetigen-Qorǵas» temirjolymen jáne «Batys Eýropa – Batys Qytaı» avtomagıstraliniń tehnologııalyq baılanysy jáne iri kóliktik-logıstıkalyq operatorlardy tartý arqyly Qurǵaq porty Eýrazııalyq transkontınentaldyq tasymaldardy damytýdyń jańa kezeńin ashty.
Investıtsııalardyń ekinshi baǵyty - ónimdi tereń óńdeý.
«Biz qytaılyq seriktesterdi qaıta óńdeýdiń barlyq salalaryna shaqyramyz. Birinshi kezekte - tabıǵı resýrstardy óńdeýge. Sizderde osy salada óńdeýdiń ozyq tájirıbesi jınaqtalǵan. Osy tájirıebelerińiz Qazaqstannyń munaı jáne taý-ken ónerkásibinde qoldaný úshin óte paıdaly bolary sózsiz», - dep jalǵastyrdy Qazaqstan vıtse-premeri.
Úshinshi baǵyt - Qazaqstannyń aýyl sharýashylyǵy.
«Biz Qazaqstannyń aýyl sharýashylyǵy sektoryna, onyń ishinde organıkalyq ónim óndirisine ınvestıtsııa salýdyń keń spektrin usyna alamyz. Qazaqstan joǵary sapaly organıkalyq ónimderdi óndirýdiń zor áleýetine ıe. Sońǵy 10 jylda elimiz aýyl sharýashylyǵy salasynda úlken eksporttyq áleýetti arttyra aldy. Qazaqstandyq taýarlar Ortalyq Azııa, EO jáne Taıaý Shyǵys elderinde satylýda. Búgin Qytaıdyń bıznes kapıtandarymen dóńgelek ústelde biz 400 myń gektar jerge topyraqty damytý jóninde usynystar estidik. Mundaı usynystardy biz qoldaımyz», — Serik Jumanǵarın aıtty.
