Qazaqstan quramasy FIFA reıtınginde joǵarylady

ASTANA. QazAqparat – Qazaqstan ulttyq quramasy Halyqaralyq fýtbol qaýymdastyqtarynyń federatsııasy (FIFA) jarııalaǵan reıtıngide bir satyǵa joǵarylady. Bul týraly QazAqparat Qazaqstan fýtbol federatsııasyna silteme jasap habarlaıdy.

Jańa reıtıng búgin jarııalandy. Qazaqstan quramasy jańartylǵan reıtıngide 113-orynǵa ornalasqan.

Aıta keteıik, reıtınginiń kósh basynda 1 841 upaımen Brazılııa tur. Ekinshi orynda Belgııa – 1 816, al úshtikti Argentına túıindegen – 1 773.

Sondaı-aq, alǵashqy ondyqta Frantsııa (1 759), Anglııa (1 728), Italııa (1 726), Ispanııa (1 715), Nıderland (1 694), Portýgalııa (1 676) jáne Danııa (1 666) bar.

Reıtınginiń tolyq nusqasyn FIFA-nyń resmı saıtynan kórýge bolady.
Foto: sports.kz