Qazaqstan quramasynyń kapıtany Aslanbek Shymbergenov jarysty jalǵastyrady

ASTANA. KAZINFORM - Qazaqstandyq boksshy Aslanbek Shymbergenov shırek fınalǵa joldama aldy. Qazaqstandyq boksshy 71 keli salmaqta 1/8 fınalda túrkimenstandyq Baıramdurdy Nurmuhamedovpen saıysqa tústi.

Birinshi raýndta Aslanbek saýatty oıyn kórsete bildi. Qarsylasyna soqqyny dál jasap, upaı qoryn molaıtty.

Nátıjesinde tóreshiler biraýyzdan onyń jeńisine qoldaý bildirdi.

Ekinshi jáne úshinshi raýndta túrikmenstandyq boksshynyń belsendiligi baıqaldy.

Dese de, jalpy kórsetkishte Aslanbek Shymbergenov jeńiske jetip, shırek fınalǵa shyqty.

Aslanbek Shymbergenov 1993 jyly dúnıege kelgen. Qazirge deıin 2023 jylǵy álem chempıonatynda altyn medalǵa ıe boldy.

Sondaı-aq, 2022 jyly Azııa chempıony ataǵyn jeńip aldy. 

Eske salsaq, qazaqstandyq boksshylardan Valentına Halzova (75 keli), Alýa Balqybekova (50 keli), Aıbek Oralbaı (92 keli), Cáken Bıbosynov (51 keli), Nurbek Oralbaı (80 keli), Mahmýd Sabyrhan (57 keli) shırek fınalǵa joldama aldy.

Al el quramasynan Jaına Shekerbekova (54 keli), Rımma Volosenko (60 keli), Muhammedsabyr Bazarbaıuly (63,5 keli), Natalıa Bogdanova (66 keli) jarys jolynan shyǵyp qaldy.

Jartylaı fınalǵa deıin jetken búkil boksshy 2024 jylǵy Parıj Olımpıadasyna joldamaǵa ıe bolady.