Qazaqstan quramasy taekvondodan Ońtústik Koreıadaǵy týrnırde kúmis aldy
ASTANA. KAZINFORM — Ońtústik Koreıanyń Mýdjý qalasynda ótken taekvondodan «World Taekwondo Diamond Game 2025 G-4» týrnırinde bedeldi jarysta Qazaqstan quramasy aralas komandalyq synda kúmis aldy.
Jarys barysynda ulttyq qurama aldymen Frantsııany 2:0, keıin Ózbekstannyń A quramasyn 2:1 esebimen jeńip, fınalǵa shyqty. Alaıda sheshýshi kezdesýde Ózbekstannyń B quramasyna 0:2 esebimen ese jiberip, týrnırdi kúmis medalmen aıaqtady.
El quramasynyń sapynda Mergen Ganıev, Abdýrahmon Marıpov, Kamıla Aımýkasheva jáne Aıda Taýkenova el namysyn qorǵady.
Aıta ketsek, aralas komandalyq jarysqa barlyǵy 13 qurama qatysty.
Eske salsaq, budan buryn Qazaqstandyq sportshylar taekvondodan Aýstrııadaǵy týrnırde tórt medal aldy.
Qazaqstan jasóspirimder men jastar quramasy halyqaralyq dodadan 1 altyn, 3 qola júlde jeńip aldy.