Qazaqstan quramasy kórkem júzýden olımpıada joldamasyna ıe boldy
ASTANA. KAZINFORM – Sý sporty túrlerinen Qatarda ótip jatqan álem chempıonatynda kórkem júzýden lıtsenzııa ıegerleri anyqtaldy.
Sportty damytý dırektsııasynyń baspasóz qyzmetinen málim etkenindeı, komandalyq saıys qorytyndysy boıynsha Parıj olımpıadasynyń 5 joldamasy oınatylyp, AQSh, Ispanııa, Japonııa, Italııa, Kanada elderine kvota buıyrdy.
Al komandalyq saıysta joldama alǵan memleketter dýet saıysynda da avtomatty túrde qatysady. Qalǵan kvotalar 5 qurlyqtyń úzdikterine úlestiriledi.
Osyǵan oraı dýet baǵdarlamasynda Azııa qurlyǵynan eń úzdik nátıje kórsetken Qazaqstan quramasy Parıj olımpıadasynda baq synaýǵa múmkindik aldy.
Sóıtip ıAsmın Tuıaqova men Arına Pýshkına juby Hanchjoýdaǵy jazǵy Azııa oıyndarynyń qorytyndysy boıynsha olımpıadaǵa ótti.
Hanchjoýda atalmysh jup qola júldeger atanǵan bolatyn.
