Qazaqstan quramasy kórkem gımnastıkadan komandalyq kópsaıysta kúmis júlde ıelendi
ASTANA. KAZINFORM — Qazaqstan quramasy kórkem gımnastıkadan Azııa chempıonatynda komandalyq kópsaıysta kúmis júlde ıelendi. Bul týraly UOK habarlady.
Qyrǵyzstan astanasy Bishkek qalasynda ótip jatqan kórkem gımnastıkadan Azııa chempıonatynda Qazaqstan quramasy komandalyq kópsaıys qorytyndysy boıynsha ekinshi oryn aldy.
Komandalyq kópsaıysta otandastarymyz jalpy 263.65 upaı jınady.
Bul synda el namysyn Aıbota Ertaıqyzy, Aqmaral Erekesheva, Aıda Hakimjanova, Madına Myrzabaı, Jasmın Djýnýsbaeva, Aızere Keńes, Nurmaǵambetova jáne Krıstına Chepýlskaıa qorǵady.
Atalǵan baǵdarlamada Ózbekstan quramasy (265.8 upaı) top jarsa, úzdik úshtikti Qytaı túıindedi.
Qurama komandanyń jattyqtyrýshylary – Merýert Balǵynbaeva men Ekaterına Panchenko. Bas bapker – Lola Ádilbekova. Aıta keteıik, bul jarys kúzde Japonııada ótetin Azııa oıyndaryna daıyndyq kezeńderiniń biri bolyp sanalady.
Aıta ketelik Qazaqstan grek-rım kúresinen jastar arasyndaǵy Azııa chempıonatynda eki altyn medal jeńip alǵan edi.
