Qazaqstan kýbogy: «Qyzyljar» men «Ordabasy» teń oınady

ASTANA. KAZINFORM - Búgin, 25 maýsymda fýtboldan Qazaqstan kýbogy jartylaı fınalyndaǵy alǵashqy oıynnyń nátıjesi belgili boldy.

Bul kezdesýde «Qyzyljar» (Petropavl) men «Ordabasy» (Shymkent) komandalary sheberlik baıqasty. 

Oıyn barysynda komandalar bir-biriniń qaqpasyna gol soǵýǵa tyrysty. Degenmen dittegen maqsatyna jete alǵan joq. Toqsan mınýt boıy qarsylastar esepti ózgertýge múmkindigi bolmady. 

Dál qazir «Tobyl» (Qostanaı) men «Jeńis» (Astana) kezdesýi ótip jatyr.

Aıta ketsek, shırek fınalda shymkenttik «Ordabasy» almatylyq «Qaıratty» petropavldyq «Qyzyljar» semeılik «Elimaıdy» penaltı serııasynda qapy qaldyrdy.

Al elordalyq «Jeńis» «Astanany», qostanaılyq «Tobyl» túrkistandyq «Turandy» 2:0 esebimen tize búktirdi. 

Bıyl Qazaqstan kýbogyna Premer-lıga, birinshi jáne ekinshi lıgadan barlyǵy 30 komanda qatysty. Aldymen birinshi jáne ekinshi lıga komandalary alǵashqy irikteý kezeńin ótkizdi.

Olardyń arasynan irkilmeı shyqqan eki klýb 1/8 fınalda Premer-lıga komandalary qataryna qosyldy.

Jeńimpaz 2026 jyly Konferentsııa lıgasynyń ekinshi irikteý kezeńine joldama alady.