Qazaqstan koronavırýs indeti órshigen jaǵdaıda qosymsha vaktsına alady

ASTANA. KAZINFORM – Qazir elimizde koronavırýsqa qarsy vaktsınatsııa júrgizilip jatqan joq, biraq epıdemııa órshigen jaǵdaıda másele qarastyrylady. Búginde koronavırýs ınfektsııasymen 1 290 adam tirkelgen. Bul týraly QR Densaýlyq saqtaý mınıstrligi habarlaıdy.

Tamyz aıy bastalǵaly 27 adam koronavırýsqa shaldyqqan, onyń ishinde 13 naýqas Astanada, 5 — i Almatyda jáne Mańǵystaý oblysynda, taǵy bireýi Aqmola oblysynda. Pnevmonııamen aýyrǵan KVI-diń taǵy úsh jaǵdaıy Astanada, Aqmola jáne Qostanaı oblysynda tirkelgen. Naýqastardyń bári kámeletke tolǵan jáne ólim tirkelmegen.

Densaýlyq saqtaý mınıstrligi koronavırýs indeti jaǵdaıyn turaqty dep baǵalap otyr. Qazaqstandyqtar ujymdyq ımmýnıtetti qalyptastyrdy jáne vaktsınaǵa suranys joq. Alaıda, pessımıstik jaǵdaıda áreket etýge daıyn.

«KVI epıdemııasy órshigen jaǵdaıda mınıstrlik vaktsına alý máselesin qaraıdy», - dep tolyqtyrdy vedomstvodan.

Densaýlyq saqtaý mınıstrligi Qazaqstanda nemese Reseıde óndiriletin PTR-testterdi paıdalanady. Olar saqtaý merzimi men jaramdylyǵyn eskere otyryp, jyl saıyn satyp alynady. Vedomstvonyń málimetinshe, sodan keıin ǵana kádege jaratylady.