Qazaqstan Qorǵanys mınıstri ShYU keńesine qatysty
ASTANA. KAZINFORM – Qytaıdyń Tsındao qalasynda qabyldaýshy taraptyń tóraǵalyǵymen Shanhaı Yntymaqtastyq Uıymyna múshe memleketter Qorǵanys mınıstrleriniń keńesi ótti.
Otyrysta qorǵanys vedomstvolarynyń basshylary jahandyq jáne óńirlik qaýipsizdik máseleleri boıynsha pikir almasyp, qorǵanys salasyndaǵy yntymaqtastyqty nyǵaıtý jónindegi usynystaryn ortaǵa saldy.
Sonymen birge Qazaqstan Qorǵanys mınıstri avıatsııa general-leıtenanty Dáýren Qosanovtyń Reseı, Qytaı, Úndistan, Pákistan qorǵanys vedomstvolarynyń basshylarymen jáne ShYU Bas hatshysymen ekijaqty kezdesýleri ótti.
Shanhaı Yntymaqtastyq Uıymy elderi qorǵanys vedomstvolary basshylarynyń kelesi kezdesýi 2026 jyly Qyrǵyzstanda ótedi.
Buǵan deıin Senat Qazaqstan zańnamasyn qorǵanys jáne áskerı-patrıottyq tárbıe turysynan jetildirýge baǵytalǵan zańdy eki oqylymda maquldaǵanyn habarlaǵan edik.