Qazaqstan-Koreıa ortalyǵy Kásipkerler palatasymen áriptestikte jumys jasaıtyn boldy

QYZYLORDA. QazAqparat-Qyzylorda oblysyna jumys saparymen kelgen  «Qazaqstan-Koreıa yntymaqtastyqqa yqpal etý ortalyǵy» AQ dırektory Vý Djong Hı hanym Kásipkerler palatasynda bolyp, salanyń jumysymen tanysty.

Sapar barysynda birqatar kelisimderge qol jetkizildi, dep habarlady QazAqparat HAA tilshisi.

Aldymen palatadaǵy «Orda ónimderi» kórmesimen tanysqan qonaqtar Jańaqorǵan aýdanyndaǵy aıaq kıim tigýmen aınalysatyn jas kásipker Orazaı Jandostyń kásibine qyzyǵýshylyq tanytty. Sebebi Koreıada aıaq kıimderdiń quny anaǵurlym qymbat eken.

Munan keıin Vý hanym bastaǵan delegattarǵa Óńirlik damý kartasyna engen jobalar tanystyryldy.

Aıta ketý kerek, 2015 jyldan bastap «Atameken» Ulttyq kásipkerler palatasy óńirlerdegi kásipkerliktiń damýyna zertteý júrgizip, arnaıy karta ázirleýdi qolǵa alǵan bolatyn. Atalmysh baza elimizdiń kásipkerlik klımatymen tolyqtaı tanysýǵa múmkindik beretin quralǵa aınala aldy. ıAǵnı kartadan ár aımaqtyń saladaǵy basym baǵyttaryn, bolashaqta ınvestıtsııa quıýǵa bolatyn salalardy kórýge bolady. Bul elimizdegi jáne sheteldik ınvestorlardy tartýǵa aıtarlyqtaı septigin tıgizedi dep kútilýde. Óńirlerdi damytý kartasyna Qyzylorda oblysynan jalpy quny 80 mlrd. teńgeden astam qarjyny quraıtyn  11 joba engizildi. Kartaǵa engiziletin jobalardy tańdaý barysynda naryqta suranysqa ıeligi, básekege qabilettiligi, oblystyń ekonomıkasy men kásipkerlik salasyn damytýǵa qosatyn úlesi eskerildi.

Kartaǵa engizilgen jobalar:

- «Aral aýdanynda kaltsılendirilgen sodyny óndirý» jobasy;

- «Shıeli aýdanynda sılıkat kirpish óndirý» jobasy;

- «Syrdarııa aýdanynda kúrish qaýyzynan plıta óndirý» jobasy;

- «Shıeli kentinde bótelkedegi tabıǵı sý óndiretin zaýyt qurylysyn salý» jobasy;

- «Jańaqorǵan aýdanynda baqsha ónimderi shyrynynyń kontsentratyn óndirý» jobasy;

- «Qyzylorda qalasynda shynyplastık qubyrlaryn óndirý» jobasy

- «Shıeli aýdanynda básekege qabiletti qozy etin óndirý» jobasy;

- «Qyzylorda qalasynda muzdatylǵan tátti júgeri óndirý» jobasy;

- «Jalaǵash aýdanynda elektr energııasy men kremnıı dıoksıdin óndirý» jobasy;

- «Jalaǵash aýdanynda maqsary maıyn óndirý» jobasy;

- «Kókónis qoımasy men jylyjaı keshenderi jáne qoıma qurylysy jobasyn uıymdastyrý» jobasy.

Ásirese, Qazaqstan-Koreıa yntymaqtastyqqa yqpal etý ortalyǵynyń basshysy «Jańaqorǵan aýdanynda baqsha ónimderi shyrynynyń kontsentratyn óndirý» jobasyna erekshe qyzyǵýshylyq tanytty. Aıtqandaı, Koreıada mundaı kontsentrattar óndirý isi jaqsy jolǵa qoıylǵan eken. Osy rette, aldaǵy ýaqytta kontsentrattardy óndiretin arnaıy qondyrǵylardy bizdiń oblysqa alyp kelý máselesi de talqylandy.

Kásipkerler palatasynyń ókilderi óz kezeginde qonaqtarǵa Koreı kásipkerleri men bizdiń isker azamattarymyz arasynda onlaın-konferentsııa ótkizýdi usyndy. ıAǵnı qos eldiń bıznes ókilderi ózderin qyzyqtyrǵan sala boıynsha erkin pikir almasyp, áriptester tabýǵa múmkindik alady. Usynysty qup alǵan qonaqtar aldaǵy ýaqytta bul máselege qatysty qabyldaǵan sheshimderin jetkizetin bolyp kelisti.