Qazaqstan qor bırjasynyń basshysy aýysty
ALMATY. KAZINFORM – «Qazaqstan qor bırjasy» AQ (KASE) basqarma tóraǵasy bolyp Ádil Muhamedjanov saılandy.
– Qazaqstan qor bırjasynyń (KASE) dırektorlar keńesiniń sheshimimen Ádil Muhamedjanov 2025 jyldyń 31 naýryzynan bastap KASE basqarmasynyń tóraǵasy bolyp saılandy. Onyń ókilettik merzimi 2026 jylǵy 1 shildege deıin jalǵasady,– dep habarlady KASE baspasóz qyzmeti.
Ádil Muhamedjanov 2021 jyldan beri «Ortalyq baǵaly qaǵazdar depozıtarııi» AQ basqarma tóraǵasy qyzmetin atqarǵan. Buǵan deıin KASE basqarma tóraǵasynyń orynbasary bolyp jumys istegen, sondaı-aq QR Ulttyq banki monetarlyq operatsııalar departamentinde túrli laýazymdardy atqarǵan.
Sondaı-aq, Qazaqstan qor bırjasy (KASE) dırektorlar keńesiniń sheshimimen 2025 jyldyń 31 naýryzynan bastap Alına Aldambergenniń KASE basqarma tóraǵasy retinde ókilettigi toqtatyldy.
Ol bul qyzmetti 2016 jyldyń 9 aqpanynan bastap atqaryp keledi. Osy taǵaıyndaýǵa deıin A.Aldambergenniń qarjy naryǵynda, onyń ishinde retteýshi organdarda jáne KASE dırektorlar keńesinde aıtarlyqtaı tájirıbesi boldy.
Osyǵan deıin Qazaqstan qor bırjasyndaǵy (KASE) saýda-sattyq qorytyndysy boıynsha 1 dollardyń teńgege shaqqandaǵy baǵamy tómendegeni týraly jazdyq.