Qazaqstan Konstıtýtsııasy – halyqtyń birligi men memleket táýelsizdiginiń berik irgetasy
«Bıyl Qazaqstannyń Negizgi Zańyna 25 jyl tolady. Qazaqstan Respýblıkasynyń Konstıtýtsııasy halyqtyń erik-jigeriniń kórinisi bola otyryp, eldegi barlyq jerde qaıta qurýlardyń negizin qalap, qoǵamdy toptastyrýdyń qýatty saıası-quqyqtyq quralyna aınaldy. Ol ulttyq quqyqtyq júıeni jalpy gýmanıstik ıdeıalar men konstıtýtsıonalızmniń postýlattaryna sáıkes damytýdyń berik negizin qalady. Respýblıka qyzmetiniń jalpyǵa birdeı tanylǵan maqsattary, progressıvti jáne demokratııalyq qaǵıdattary, quqyqtyń ústemdigi, halyqtyń egemendigi, memlekettik bıliktiń zań shyǵarýshy, atqarýshy jáne sot tarmaqtaryna bólinýimen birtutastyǵy, adamnyń negizgi quqyqtary men bostandyqtarynyń teńdigi, myzǵymastyǵy jáne Konstıtýtsııada bekitilgen basqa da negizgi qundylyqtar qazirgi Qazaqstannyń tulǵasyn álemdik qoǵamdastyqtyń laıyqty múshesi retinde aıqyndaıdy», - deıdi A. Muqanova.
Sarapshy bizdiń tabystarymyz ben jetistikterimizdiń eldiń konstıtýtsııalyq damýynyń naqty tekserilgen tujyrymdamasynyń arqasynda múmkin bolǵanyn atap ótti.
«Onyń avtory jańa táýelsiz memlekettiń negizin qalaýshy – Respýblıkanyń Tuńǵysh Prezıdenti – Elbasy Nursultan Nazarbaev, ol Konstıtýtsııanyń kepili bola otyryp, halyqtyń birligin, qoǵamymyzdaǵy kelisim men turaqtylyqty qamtamasyz etti. Qazaqstan Konstıtýtsııasy eń úzdik álemdik tájirıbe men praktıkany, sondaı-aq tarıhı jáne ulttyq dástúrlerdi jınaqtaı otyryp, halyq birligi men memleketimizdiń táýelsizdiginiń berik irgetasy bolyp tabylady. Qazaqstan Respýblıkasynyń Prezıdenti Qasym-Jomart Toqaev bizdiń memleketimizdiń negizi zańnyń ústemdigine, adamnyń negizgi quqyqtary men bostandyqtaryn qamtamasyz etýge umtylý bolǵanyn erekshe atap ótti. Bizdiń Konstıtýtsııamyz aldaǵy ýaqytta da azamattarymyzdyń múddelerine tabysty qyzmet etip, elimizdiń odan ári damýyna yqpal etetin bolady», - deıdi Asara Muqanova.
Eske sala ketsek, 30 tamyzda Qazaqstan Respýblıkasy Konstıtýtsııasynyń qabyldanǵanyna 25 jyl tolady.
Aıtýly kúnge arnalǵan is-sharalar onlaın formatta uıymdastyrylady.