Qazaqstan kólikteri Qytaıǵa eksporttaldy
«Eldegi avtokólik satylymynyń jáne shyǵarylymynyń eki jyldyq quldyraýynan keıin 2017 jyldyń І toqsan qorytyndysy pozıtıvti jańalyqtarǵa toly. Qazaqstandaǵy avtomobılderdi shyǵarý kólemi úshinshi aı qatarynan ósip keledi, satylymdar eki toqsan boıy artty. Ótken jyly elimizdegi satyp alýshylardyń 19% ǵana Qazavtoprom usynysyn qabyldaǵan edi, al búginde árbir úshinshi satyp alýshy Qazaqstanda shyǵarylǵan kólikti tańdaıdy», - dedi Oleg Alferov.
Sonymen birge, O. Alferov qazaqstandyq zaýyttardyń eksporttyq jaǵdaıyna sholý jasap ótti.
«Jyl basynan beri «Azııa Avto» zaýyty shyǵarǵan kólikterdiń 7% nemese 204 danasy Qytaıǵa eksporttaldy. Árıne, Qytaı - tartymdy syrtqy naryqtardyń biri. Biraq ondaǵy baj salyǵy, tarıftiń joqtyǵy kedergi bolsa da, «Azııa Avto» zaýyty Qytaı naryǵyna 204 dana avtokólik jiberildi. Sondaı-aq, 2016-2017 jyldary Qyrǵyzstan men Túrikmenstan naryqtaryna qazaqstandyq avtokólikterdiń pılotty partııalary jetkizildi. Birikken Arab Ámirlikteriniń naryǵyna da «Lada» jol talǵamaıtyn kólikteri qoıyldy», - dep atap ótti «QazAvtoProm» birlestiginiń basqarma tóraǵasy.
Aıta keteıik, búgin Ortalyq kommýnıkatsııalar qyzmeti alańynda «QazAvtoProm» Qazaqstannyń avtomobıl salasynyń kásiporyndar odaǵy 2017 jyldyń І toqsanyndaǵy respýblıka avtoóndirýshileriniń jumys qorytyndysyn jarııalady. Basqarma tóraǵasy jarııalaǵan málimetterge sáıkes, 2017 jyldyń alǵashqy úsh aıynda respýblıka aýmaǵynda 16,4 mlrd teńgege 3405 dana avtokólik (jeńil kólik, júk kóligi, avtobýstar men arnaıy tehnıkalar) shyǵarylǵan. Osylaısha, otandyq avtoóndirýshilerdiń shyǵarylym kólemi ótken jylmen salystyrǵanda 4 esege artqan. Alǵashqy toqsanda el aýmaǵynda 3095 dana jeńil kólik shyǵarylyp, bul ótken jylǵy kórsetkishten 7 ese asyp tústi. Al júk kólikterin shyǵarý, kerisinshe, ótken jylmen salystyrǵanda 31,6% azaıǵan. Avtobýs tehnıkasyn shyǵarý kólemi (27 dana) ózgerissiz qaldy.
Jergilikti zaýyttarda qurastyrylǵan jeńil kólikterdi satý boıynsha Lada avtokólikteri alǵashqy úshtikti qurady: Lada 4x4 (599 dana), Lada Granta (332 dana), Lada Largus (159 dana), tórtinshi jáne besinshi oryndar Lada Kalina men Hyundai Tuscon (111 dana) enshisinde. Asa tanymal ondyqty Jac S3 (106 dana), Chevrolet Cruze (98 dana), Hyundai Elantra (89 dana), KIA Sorento (80 dana), KIA Optima (70 dana) Lada Xray (56 dana) avtokólikteri qurady.
