Qazaqstan Qytaıǵa AES-te qoldanylatyn ıadrolyq otynnyń úshinshi legin jetkizdi
Qazaqstan Qytaıǵa atom elektr stantsııasynda qoldanylatyn ıadrolyq otynnyń úshinshi partııasyn jetkizdi, dep habarlaıdy Kazinform «Samuryq-Qazynaǵa» siltememen.
Qytaıdyń ıAntszy qalasyndaǵy AES-te qazaqstandyq óndiristiń jylý bóletin jınaqtaryn qabyldaý saltanatyna qatysqan «Samuryq-Qazyna» qorynyń basqarma tóraǵasy Nurlan Jaqypov eki el arasyndaǵy joǵary jetistikti atap ótti.
«Bul joba bizdiń elderimizdiń joǵary tehnologııalyq óndiristerdi júzege asyra alatyndyǵynyń dáleldep otyr. CGN toby, sondaı-aq Qazatomónerkásip, Úlbi metallýrgııalyq zaýyty jáne Úlbi-JBQ basshylyǵynyń jeke úlesin erekshe atap ótkim keledi. Sonyń arqasynda bizdiń komandalar óndiristik josparlar men mindetterdi oryndaı aldy», - dedi Nurlan Jaqypov.
Aıta keteıik, 2015 jyly «Qazatomónerkásip» UAK AQ Qytaıdyń CGN ıadrolyq-energetıkalyq korporatsııasymen birge Úlbi metallýrgııalyq zaýyty bazasynda AES-ke qajetti ıadrolyq otyn shyǵaratyn «Úlbi-JBQ» birlesken kásipornyn qurdy. Óndiris 2021 jyldyń qarasha aıynda iske qosyldy.
